නිවු සවුත් වේල්ස් ප්‍රවාහන වෘත්තිය සමිති සිය වෘත්තිය ක්‍රියාමාර්ගය නැවතත් ආරම්භ කිරීමට තීරණය කර තිබෙනවා.
ඒ අනුව ලබන බ්‍රහස්පතින්දා සිට සෑම සතියේ දිනකම පස්වරු 03 ත් රාත්‍රී 07 ත් අතර සිඩ්නි නගරයේ සියලු දුම්රිය ස්ථානවල OPAL යන්ත්‍ර අක්‍රීය කර තැබීමටයි ඔවුන් සැළසුම් කර ඇත්තේ.
මේ හරහා දුම්රිය ස්ථානවල පිවිසුම් ගේට්ටුද අක්‍රීය වනු ඇති.
නිවු සවුත් වේල්ස් ප්‍රවාහන වෘත්තිය සමිති පවසන්නේ අදාළ කාල සීමාව තුළදි සිඩ්නි මගීන්ට නොමිළයේම දුම්රියේ ගමන් කිරීමට හැකි වනු ඇති බවයි.
දීර්ඝ කාලයක සිට පවතින සිය වෘත්තිය ඉල්ලීම් සඳහා ප්‍රාන්ත රජයෙන් මෙතෙක් නිසි විසඳුමක් නොලැබීමයි මීට හේතුව වී ඇත්තේ.
