ඔස්ටේ‍රලියාවේ සමස්ත ජනගහණයෙන් සියයට 11 කට මෙතෙක් අන්තර්ජාල පහසුකම් නොමැති බව නවතම අධ්‍යයනයක් හෙළිකර තිබෙනවා.
එනම් මිලියන 25 ක් වන මුලු ජනගහණයෙන් ලක්ෂ 28 කට ආසන්න පිරිසකට අන්තර්ජාල පහසුකම් නොමැති හෝ අන්තර්ජාලය භාවිත කිරිමට අවබෝධයක් නොමැති බවයි අනාවරණ වී ඇත්තේ.
මින් අති බහුතරයක් දුෂ්කර හෝ ප්‍රාදේශීය කලාපවල වාසය කරන්නන් බවටද හඳුනාගෙන තිබෙනවා.
ඔවුන් අන්තර්ජාල බැංකුකරණය වැනි කටයුතු සිදුකිරීමේදී ඉමහත් දුෂ්කරතාවයකට මුහුණදෙන බවත් මෙම වාර්තාව අනාවරණ කරනවා.
ලැව්ගිනි හෝ ආපදා වැනි අවස්ථාවලදී තමන් මුහුණපාන එක් අසීරු අවස්ථාවක් ලෙස අන්තර්ජාල පහසුකම් නොමැතිවීම දුෂ්කර ප්‍රදේශවල ජනතාව පවසා තිබුණා.
2025 වසර වනවිට රජයේ සියලු සේවා කටයුතු ඔන්ලයින් ක්‍රමයට පවත්වාගෙන යාමටයි ෆෙඩරල් රජය තීරණය කර ඇත්තේ.
එවැනි තත්වයකදී තමන් තවත් අසීරුතාවයට පත්වන බවයි දුෂ්කර ප්‍රදේශවල ඔස්ටේ්‍රලියානුවන් සඳහන් කර ඇත්තේ.
