ඔස්ටේ‍රලියා ක්‍රිකට් කණ්ඩායමේ නායකත්වය නැවත වරක් ඩේවිඩ් වෝනර් ට හිමිවන ළකුණු පළවී තිබෙනවා.
ඒ ඔස්ටේ්‍රලියා ක්‍රිකට් ආයතනයේ විධායක මණ්ඩලය විසින් ගනු ලැබූ තීරණයකට අනුවයි.
විනය විරෝධී කටයුත්තක් හේතුවෙන් ජීවිත කාලයටම බලපැවැත්වෙන පරිදි ඩේවිඩ් වෝනර් ට නායකත්ව තහණමක් පණවනු ලැබුවේ 2018 වසරේදීයි.
කෙසේවෙතත් තරග තහනම් පණවා ඇති ක්‍රීඩකයන්ගේ අභියාචනා නැවත සළකා බැලීමට අවසර හිමිවන සංශෝධනයකට ඔස්ටේ්‍රලියා ක්‍රිකට් ආයතනය විසින් අනුමැතිය දීමත් සමග ඩේවිඩ් වෝනර්ද තමන්ට එරෙහි නායකත්ව තහනම ඉවත් කරන්නැයි ඉල්ලීමක් කරනු ඇතැයි අපේක්ෂා කෙරෙනවා.
කිසියම් අයුරකින් ඊට අනුමැතිය හිමිවුවහොත් ඔහු ඔස්ටේ්‍රලියා ක්‍රිකට් කණ්ඩායමේ එක්දින නායකත්වයට පත් කෙරෙනු ඇති බවටයි අනාවැකි පළවන්නේ.
ඒරන් ෆින්ච් නායකත්වයෙන් ඉල්ලා අස්වීම හමුවේ නායකත්වය පුරප්පාඩුවීම ඊට හේතුවයි.
