පවතින ජල ගැලීම් සහ අයහපත් කාළගුණ තත්වය හේතුවෙන් ආපදා සහන ඉල්ලුම් කල හැකි පිරිස් සම්බන්ධයෙන් වික්ටෝරියා ප්රාන්ත රජය විසින් පැහැදිලි කිරීමක් කර තිබෙනවා.
ජල ගැලීම් හමුවේ සිය වාසස්ථානවලට බලපෑම් එල්ල වි ඇති ඕනෑම අයෙකු සඳහා ආහාර – තාවකාලික වාසස්ථාන – ඇඳුම් හෝ ඖෂධ වෙනුවෙන් සහන ඉල්ලා සිටිය හැකියි.
එක් වරක් පමණක් පිරිනැමෙන දීමනාවක් මෙහිදී හිමිවනවා.
ඉදිකිරීම් ව්යාපෘතියක් – ව්යාපාරික ආයතනයක් – මෝටර් රථ නඩත්තුවක් වැනි දෑ සඳහා සිදුවු පාඩු හෝ විදුලිය නොමැතිව සිදුවු පාඩු සඳහා වන්දි ඉල්ලා සිටීමට අවස්ථාවක් පවතින්නේ නැහැ.
වැඩිහිටි අයෙකුට ඩොලර් 560 ක් සහ ළමයෙකුට ඩොලර් 280 ක් ලෙස මෙම ආපදා මුදල හිමිවනු ඇති.
මුදල් අනුමත වූ පසු නම්කරන ලද බැංකු ගිණුමකට මුදල් තැන්පත් කිරිම සිදුවනවා.
වික්ටෝරියා ආපදා සහන වැඩි විස්තර මෙතැනින් – https://emergencypayments.dffh.vic.gov.au/