ලබන බ්‍රහස්පතින්දා සිට බලපැවැත්වෙන පරිදි වික්ටෝරියා ප්‍රාන්තවාසීන්ට තවත් කොවිඩ් රෙගුලාසියක් ලිහිල් කිරීමට තීරණය කර තිබෙනවා.
ඒ අනුව කිසියම් අයෙකු කොවිඩ් ආසාධිත බව තහවුරුවීමේදී ඒ බව ප්‍රාන්ත සෞඛ්‍ය අංශ වෙත දැනුම්දීම එදින සිට අවශ්‍ය නොවනු ඇති.
නීතියක් ලෙස අවශ්‍ය නොවුණද ඕනෑම අයෙකුට බළධාරීන් වෙත ඒ බව දැනුම්දීමට තවදුරටත් හැකියාව පවතිනවා.
ලබන බදාදා මධ්‍යම රාත්‍රියේ සිට වික්ටෝරියා ප්‍රාන්තයේ වසංගත තත්වය ඉවත් වන අතර ඒ අනුව බ්‍රහස්පතින්දා සිට කොවිඩ් ආසාධිතයන් හුදකලාව සිටීමට අවශ්‍ය වන්නේද නැහැ.
කෙසේවෙතත් ප්‍රාන්ත රජය ඉල්ලා සිටින්නේ කොවිඩ් ආසාධිත බව තහවුරුවුවහොත් හුදකලා කාලය ගත කිරීමෙන් අනතුරුව සමාජය තුළ කටයුතු කරන ලෙසයි.
