මාස කිහිපයකට පෙර ශ්‍රී ලංකාව සමග ගුවන් ගමන් නතර කල රුසියාවේ එරොෆ්ලොට් ගුවන් සේවය අද සිට නැවතත් මොස්කව් සහ කොළඹ අතර ගුවන් ගමන් ආරම්භ කරනවා.
පළමුවෙන් සතියකට ගුවන් වාර 02 ක් ක්‍රියාත්මක කරන අතර දෙසැම්බර් සිට එය සතියකට ගුවන් වාර 04 ක් දක්වා ඉහළ නැංවෙනු ඇති.
එරොෆ්ලොට් ගුවන් යානයක් සම්බන්ධ අධිකරණමය කටයුත්තක් හේතුවෙනුයි දෙරට අතර මතභේදාත්මක වාතාවරණයක් නිර්මාණය වූයේ.
පසුව එය විසඳාගැනීම සඳහා ශ්‍රී ලංකා පාර්ශවයෙන් විශේෂ නියෝජිත කණ්ඩායමක්ද රුසියාව බලා පිටත්ව ගියා.
රුසියාව සමග නැවත සෘජු ගුවන් ගමන් ආරම්භ කිරීම ශ්‍රී ලංකාවේ සංචාරක ව්‍යාපාරයට ප්‍රබල පිටිවහලක් වනු ඇති බව සඳහන්.
