ෆෙඩරල් සංචිත බැංකුව විසින් සියයට 0.25 කින් අගය ඉහළ දැමීමට සමගාමීව ප්‍රධාන බැංකු 04 ම පොළී අනුපාතිකයන් ඉහළ දමා තිබෙනවා.
මේ අනුව ඔක්තෝබර් 14 වනදා සිට Commonwealth Bank, ANZ සහ NAB බැංකු විසින්ද ඔක්තෝබර් 18 වනදා සිට Westpac බැංකුව විසින්ද නිවාස ණය පොළිය සියයට 0.25 කින් වැඩි කිරීමට නියමිතයි.
අඛණ්ඩව 06 වන මාසයටත් ඔස්ටේ්‍රලියාව තුළ පොළී අනුපාත ඉහළ දැමීමට ෆෙඩරල් සංචිත බැංකුව ඊයේ තීරණය කලා.
ඒ අනුව cash rate අගය පදනම් ඒකක 25 කින් හෙවත් සියයට 0.25 කින් වැඩි කෙරුණු අතර මේ අනුව නව අගය සටහන් වන්නේ සියයට 2.6 ක් ලෙසයි.
ඩොලර් ලක්ෂ 05 ක පමණ නිවාස ණයක් ගෙන ඇති අයෙකුට මේ අනුව මාසික වාරිකයේ ඉහළයාම ඩොලර් 74 ක් පමණ වනවා.
පසුගිය මැයි මාසයේ සිට අඛණ්ඩව සිදුකල පොළී අනුපාත වැඩි කිරීම් හරහා මාසික ණය වාරිකයේ මේ දක්වා සමස්ත වැඩිවීම ඩොලර් 680 ක් පමණ වනවා.
