ලොව විශාලතම ජල විදුලි ධාරිතා පහසුකම ද ඇතුළත් ඩොලර් බිලියන 62 ක පුනර්ජනනීය බලශක්ති ව්‍යාපෘතියක් ක්වීන්ස්ලන්ඩ් ප්‍රාන්ත රජය විසින් ප්‍රකාශයට පත් කර තිබෙනවා.
2032 වසර වනවිට එය ඉදි කර අවසන් කිරීමට නියමිත අතර 2035 වසර වනවිට ප්‍රාන්තයේ බලශක්ති අවශ්‍යතාවයෙන් සියයට 80 ක් පුනර්ජනනීය බලශක්තියෙන් සපුරා ගැනීමටද නියමිතයි.
සූර්ය සහ සුළං විදුලි ව්‍යාපෘති කිහිපයක්ද මෙම යෝජනාවට අන්තර්ගතයි.
මෙම සමස්ත යෝජනාවලිය ක්‍රියාත්මක කර අවසන් කිරීමත් සමග ඔස්ටේ‍රලියාවේ පුනර්ජනනීය බලශක්ති කේන්ද්‍රය බවට ක්වීන්ස්ලන්ඩ් ප්‍රාන්තය පත්වන බවයි ප්‍රාන්ත අගමැතිනිය සඳහන් කලේ.
මේ හරහා නව රැකියා ලක්ෂයක් පමණ බිහිවීමටද නියමිතයි.
