2024 වසර සඳහා ෆෙඩරල් රජය විසින් මේ දක්වා කිසිදු එන්නතක් ඇණවුම් කර නොමැති බවට චෝදනා එල්ල වනවා.
මෙරට කොවිඩ් 19 එන්නත් සහ ප්‍රතිකාර මිලදී ගැනීම පිළිබඳ ස්වාධීන සමාලෝචනය ඉදිරිපත් කරමිනුයි මහාචාර්ය ජේන් හෝල්ටන් මේ බව සඳහන් කරන්නේ.
මෙම වාර්තාවට නිර්දේශ 08 ක් ඇතුළත් වන අතර වසංගතය ආරම්භයේ දී ක්‍රියාත්මක කර ඇති තාවකාලික විධිවිධාන යාවත්කාලීන කිරීමේ අවශ්‍යතාවය මෙහිදී අවධාරණය කර තිබෙනවා.
මේ අතර කොවිඩ් කළමනාකරණය කිරීම සඳහා වන දිගුකාලීන උපාය මාර්ගයේ කොටසක් ලෙස මධ්‍යම රජය මෙම නිර්දේශ කෙරෙහි අවධානය යොමු කරන බව සෞඛ්‍ය අමාත්‍ය මාර්ක් බට්ලර් සඳහන් කලා.
එමෙන්ම විශේෂිත බූස්ටර් මාත්‍රා එනතෙක් බලා නොසිටින ලෙසත් පවතින ඕනෑම බූස්ටර් මාත්‍රාවක් ගන්නා ලෙසත් අමාතවරයා දන්වා සිටිනවා.
පවතින සියලුම එන්නත් ඉතා ඵලදායී ඒවා බවත් විශේෂයෙන් දරුණු රෝග වැළැක්වීම සඳහා ඒවා ඉතා වැදගත් බවත් සෞඛ්‍ය අමාත්‍යවරයා කියාසිටියා.
