පසුගිය මාර්තු මාසයෙන් අවසන්වූ මාස 12 ක කාලය තුළදී ඔස්ටේ්‍රලියාවේ ජනගහණය සියයට 01 කින් ඉහළ ගොස් තිබෙනවා.
කොවිඩ් වසංගතය හමුවේ වසා දමා තිබු දේශ සීමා යළි විවෘත කිරීමත් සමග සංක්‍රමණිකයන් නැවතත් රටට පැමිණීමයි ඊට ප්‍රධාන හේතුව වී ඇත්තේ.
2020 සහ 2021 යන වසර 02 තුළදී ඔස්ටේ්‍රලියාවේ ජනගහනය වැඩිවීමක් පෙන්නුම් නොකෙරුණු බවයි සංඛ්‍යාලේඛණ කාර්යාංශ වාර්තාවල දැක්වෙන්නේ.
කෙසේවෙතත් නවතම දත්ත අනුව පෙනී යන්නේ මෙරට ජනගහණ වර්ධන වේගයට සෘජුව බලපා ඇති සාධකය නම් සංක්‍රමණිකයන්ගේ පැමිණීම බවයි.
ගතවු මාස 12 දී වැඩිවී ඇති ජනගහණයෙන් අඩක් පමණ විදේශයන් හි සිට පැමිණි සංක්‍රමණිකයන් බවටද හෙළිකරගෙන තිබෙනවා.
2021 වසරේ අදාළ කාලසීමාවට සාපේක්ෂව ඔස්ටේ්‍රලියාවට පැමිණි පුද්ගලයන් සංඛ්‍යාවද සියයට 183 කින් ඉහළ ගොස් ඇති බවයි සංඛ්‍යාලේඛණ කාර්යාංශය සඳහන් කලේ.
කොවිඩ් වසංගතය පෙර වසරකදී මෙරටට පැමිණි සංක්‍රමණිකයන් සංඛ්‍යාව 238,000 ත් 260,000 ත් අතර පැවතුණා.
කෙසේවෙතත් 2021 මාර්තු සිට 2022 මාර්තු දක්වා එම අගය පැවතී ඇත්තේ 110,000 ක් ලෙසයි.
