ඉන්ධන පිරවුම්හල් පවත්වාගෙන යාම අත්හිටුවිමට Coles සුපිරි වෙඝඳසැල් ජාලය තීරණය කර තිබෙනවා.
ඒ අනුව Coles Express වෙළඳසැල් ආශ්‍රීතව පවත්වාගෙන යන ඉන්ධන පිරවුම්හල් 710 ක් Viva Energy වෙත අලෙවි කිරීමටයි තීරණය කර ඇත්තේ.
මේ හරහා ඩොලර් මිලියන 300 ක මුදලක් උපයා ගැනීමට අපේක්ෂා කරන බවද Coles විසින් අද පෙරවරුවේ සිය කොටස් හිමියන් වෙත දන්වා තිබෙනවා.
මින් ඉදිරියට ආහාර සහ මත්පැන් අලෙවියට පමණක් වැඩි අවධානයක් යොමු කරන බවයි Coles පවසා ඇත්තේ.
දැනට Coles Express අලෙවිසැල් අසල පවතින ඉන්ධන පිරවුම්හල් නුදුරේදීම Viva Energy ලෙස නම් කෙරෙනු ඇති.
එමෙන්ම දැනට Coles Express හි සේවය කරන සියලු සේවකයන් Viva Energy ආයතනයේ සේවකයන් බවට පරිවර්තනය කිරීමද මෙහිදී සිදුවනවා.
මෙම ගිවිසුමට ඔස්ටේ‍රලියානු පාරිභෝගික කොමිසම විසින් අනුමැතිය දීමෙන් පසු එය නිල වශයෙන් බලාත්මක වනු ඇති.
