ලබන නොවැම්බර් මාසයේ පැවැත්වෙන ප්‍රාන්ත මැතිවරණයේදී තමා යළි බලයට පත්වුවහොත් සෞඛ්‍ය ක්ෂේත්‍රයේ නව රැකියා රැසක් බිහි කරන බවට වික්ටෝරියා අගමැති ඩැනියල් ඇන්ඩෲස් සහතික වනවා.
ඒ සඳහා ඩොලර් මිලියන 20 ක මුදලක් වෙන් කෙරෙන බවයි අගමැතිවරයා සඳහන් කලේ.
රෝගීන් රෝහල්වලට ගෙන ඒමට පෙර නිවාස තුළදීම ප්‍රතිකාර කර රෝහල් තදබදය අවම කර ගැනීම මෙම කාර්ය මණ්ඩලය යොදවන බවත් ඩැනියල් ඇන්ඩෲස් සඳහන් කලා.
බඳවා ගැනෙන සෞඛ්‍ය සේවකයන් වෙනුවෙන් විධිමත් පුහුණුවක් ලබාදීමෙන් අනතුරුව අනුයුක්ත කෙරෙනු ඇති.
මේ අතර Wonthaggi රෝහලේ දෙවන අධියරේ ඉදි කිරීම් 2027 වසර වනවිට අවසන් කිරීම සඳහා ඩොලර් මිලියන 290 ක මුදලක් වෙන් කෙරෙන බවටද වික්ටෝරියා අගමැති ඩැනියල් ඇන්ඩෲස් මෙහිදී ප්‍රතිඥාවක් ලබාදුන්නා.
