බැංකු කාඩ්පත් වංචා හේතුවෙන් පසුගිය වසරේදී ඔස්ටේ්‍රලියානුවන් විසින් අහිමි කරගෙන ඇති මුදල ඩොලර් බිලියනය ඉක්මවා ඇති බවට තවතම අධ්‍යයනයක් හෙළි කර තිබෙනවා.
ඒ අනුව එක් අයෙකු විසින් වංචාවට ලක්ව ඇති මුදලේ සාමාන්‍යය ඩොලර් 299 ක් බවටයි තහවුරු වී ඇත්තේ.
පුද්ගලයන් 1058 දෙනෙකු යොදාගනිමින් සිදුකල සමීක්ෂණයකට අනුව මෙම තොරතුරු අනාවරණය වී තිබෙනවා.
ඊට අනුව පසුගිය මාස 12 සැළකීමේදී ක්‍රෙඩිට් හෝ ඩෙබිට් කාඩ් වංචාවකට අවම වශයෙන් එක් අවස්ථාවකදී හෝ හසුව ඇති පුද්ගලයන්ගේ ප්‍රතිශතය සටහන්වන්නේ සියයට 17 ක් ලෙසයි.
රටේ සමස්ත ජනගහණය සැළකීමේදී ලක්ෂ 34 කට ආසන්න පිරිසක් ඒ අනුව පසුගිය මාස 12 දී කුමන හෝ බැංකු කාඩ්පත් වංචාවකට ලක්ව ඇති බවටත් මෙහිදී හෙළිකරගෙන තිබෙනවා.
මින් බහුතරය 2000 වසරෙන් පසුව උපත ලැබූවන් වන අතර එහි ප්‍රතිශතය සියයට 27 ක්.
