ඔස්ටේ්‍රලියාවට ඇවිත් කරන අමුතු දෙයක් ගැන වනිඳු කියයි

ආසියානු කුසලානය දිනාගැනීම ලෝක කුසලාන ක්‍රිකට් තරගාවලිය සඳහා මනා පිටුවහලක් වන බව ශ්‍රී ලංකා ක්‍රිකට් ක්‍රීඩක වනිඳු හසරංග පවසයි.

ආසියානු ශූරතා හිමිකරගත් ශ්‍රී ලංකා ක්‍රිකට් කණ්ඩායම අද (13) උදෑසන දිවයිනට පැමිණි අතර, එම අවස්ථාවේ දී මාධ්‍ය වෙත අදහස් දක්වමින් වනිඳු මේ බව කියා සිටියේය.

“ලෝක කුසලානයට සති දෙකකට කලින් ඔස්ට්‍රේලියාව බලා පිටත් වෙනවා. අපිට එහෙ කෑම්ප් එකක් තියෙනවා. ඒක ගොඩක් ලොකු දෙයක් වෙයි ඔස්ට්‍රේලියාවේ තනතීරුවලට හැඩ ගැහෙන්න සහ ඒවා භාවිත කරන්න. අපිට ගොඩක් ලොකු දෙයක් වෙයි ඔස්‍ට්‍රේලියා තනතීරුවල පන්දුවට පහරදෙන්න ඕනේ සහ පන්දුවට පහරදෙන්න ඕනේ කියන එක ගැන දැනගන්න. විශේෂයෙන්ම ලෝක කුසලානයට කලින් මේ වගේ ආසියානු තරගාවලියක් තිබුණ එක ටීම් එකක් විදියට අපිට ගොඩක් ලොකු දෙයක්. අපි තරගාවලිය ජයග්‍රහණය කරලා, ජයග්‍රාහී මානසිකත්වයෙන් ඔස්ට්‍රේලියාව බලා පිටත් වෙන්නේ. ඒක අපිට ගොඩක් ලොකු දෙයක්.”

“ක්‍රීඩාලෝලීන්ගෙන් ලොකු සහයෝගයක් ලැබුණා. මොකද ඇත්තටම ඩුබායිවල අපි තරග ක්‍රීඩා කරද්දි ඒ රටේ දී ඒ වගේ සහයෝගයක් ලැබුණා. ඒකට ගොඩක් ස්තූතිවන්ත වෙන්න ඕනේ. ඒ වගේම ලංකාවේ ඉඳන් තරගය නරඹපු හා ලංකාවේ ෂෝෂල් මීඩියාවලින් ලබාදුන්න සහයෝගය ඇත්තටම ගොඩක් වටිනවා. අපි පළමු තරගය ඇෆ්ගනිස්තානයට පරාජය වුණත් සමහර තැන්වලදි සමහරු දේවල් කිව්වා. නමුත් ක්‍රීඩාලෝලීන් වචනයකින්වත් අපිට මුකුත් කිව්වේ නෑ. එයාලා අපිව මාර විදියට දිරිමත් කළා තරගය ජයග්‍රහණය කරන්න. ක්‍රීඩාලෝලීන් අපිත් එක්ක හිටපු නිසා තමයි මේ තරගාවලිය මේ විදියට ජයග්‍රහණය කරන්න පුළුවන් වුණේ.”

ආසියානු ශූරතා හිමිකරගත් ශ්‍රී ලංකා ක්‍රිකට් කණ්ඩායම සහ ශ්‍රී ලංකා දැල්පන්දු කණ්ඩායම දිවයිනට පැමිණ තිබේ.

06 වන වරටත් ආසියානු ශූරතාව හිමිකර ගත් ශ්‍රී ලංකා දැල්පන්දු කණ්ඩායම අද (13) අලුයම 12.50ට පමණ මලයාසියාවේ ක්වාලාලාම්පූර් නුවර සිට කටුනායක ගුවන්තොටුපොළ වෙත පැමිණියේය.

එහිදී දැල්පන්දු කණ්ඩායම පිළිගනු ලැබුවේ ක්‍රීඩා හා තරුණ කටයුතු පිළිබඳ රාජ්‍ය අමාත්‍ය රෝහණ දිසානායක මහතා විසිනි.

මේ අතර 06 වන වරටත් ආසියානු ශූරතාව හිමිකර ගත් ශ්‍රී ලංකා ක්‍රිකට් කණ්ඩායම අද අලුයම 05ට පමණ දිවයිනට පැමිණියේය.

දිවයිනට පැමිණි ක්‍රීඩක ක්‍රීඩිකාවන් රථ පෙළපාලියකින් කටුනායක ගුවන්තොටුපොළේ සිට කොළඹ වෙත කැඳවාගෙන ඒමට නියමිතව තිබේ.

එම රථ පෙළපාලිය කටුනායක ශ්‍රී ලංකා ක්‍රිකට් ආයතනය වෙත සහ දැල්පන්දු සම්මේලන මූලස්ථානය වෙත පැමිණීමට නියමිතය.

දකුණු ආසියාවේ පළමු අහස් පාලම සමග ITC රත්නදීප විවෘත වෙයි

ගාලු මුවදොර ආසන්නයේ ඉදි කෙරුණු ITC රත්නදීප (‘ITC Ratnadipa Colombo’ )අති සුඛෝපභෝගි හෝටලය ජනාධිපති රනිල් වික්‍රමසිංහ විසින් ඊයේ විවෘත කරනු ලැබුවා.

Read More »

පර්ත් අවට මුහුදු තීරයට යන අයට අනතුරු ඇඟවීමක්

පර්ත් ආසන්න මුහුදු තීරයේ ඇති ඇල්ගී විශේෂයක් හේතුවෙන් පර්ත් හි සංචාරය කරන්නන්ට මුහුදේ දිය නෑම පිළිබඳ අනතුරු ඇඟවීමක් නිකුත් කර තිබෙනවා.

Read More »

ශ්‍රී ලංකාවේ හිටපු හමුදා සාමාජිකයන් Anzac Day පෙළපාලිවලට එක්වෙයි

මෙවර ඇන්සක් ඩේ සැමරුම් පෙළපාලි සඳහා ශ්‍රී ලංකාවේ හිටපු ත්‍රිවිධ හමුදා සාමාජිකයින් රැසක් ද ඔස්ට්‍රේලියාවේ මෙල්බන් නගරයට ඒකරාශී වී තිබෙනවා.

Read More »

ග්‍රීසියේ ඇතන්ස් නගරය අඟහරුට සමාන වෙයි

සහරා කාන්තාරයෙන් පැමිණෙන දූවිලි වලාකුළු සමඟ ග්‍රීසියේ ඇතන්ස් නගරයට ඉහළින් අඟහරු ග්‍රහ ලෝකයට සමාන තැඹිලි පැහැති දුමාරයක් මතුවී ඇතැයි වාර්තා වනවා.

Read More »

උමා ඔයේ සේවිකාවන් දෙදෙනෙකුට වෙන් වූ ජනන යන්ත්‍ර

උමා ඔය බහුකාර්ය සංවර්ධන ව්‍යාපෘතිය ඉදිකිරීමේදී ලැබුණු සහාය අගයමින් ජල විදුලි සංකීර්ණයේ ජනන යන්ත්‍ර දෙකක් කාන්තා සේවිකාවන් දෙදෙනෙකුගේ නමින් නම් කර තිබෙනවා.

Read More »