තමාගේ මරණය සිදුවන තුරුම බ්රිතාන්යයේ ඔටුන්න දරා සිටීම තම අපේක්ෂාව බව මහා බ්රිතාන්යයේ 03 වන චාර්ල්ස් රජු පවසනවා.
02 වන එළිසබෙත් රැජිණගේ අභාවයෙන් පසු පළමුවරට මාධ්ය ඔස්සේ ලෝකවාසීන් අමතමිනුයි ඔහු මේ බව කියාසිටියේ.
මීලගට ඔටුන්න හිමි විලියම් කුමරුන් ට වේල්සයේ කුමාරයා යන තනතුර පිරිනමන බවත් තුන්වෙනි චාර්ල්ස් රජු මෙහිදී නිල වශයෙන් නිවේදනය කරනු ලැබුවා.
මේ අතර ලන්ඩනයේ ශාන්ත ජේම්ස් මාලිගයේදී තුන්වෙනි චාර්ල්ස් රජු අද කිරුළු පැළඳීමට නියමියි.
එම උත්සවය සඳහා 700 ක් පමණ පිරිසකට සහභාගී වීමට අවස්ථාව ලැබෙනු ඇති බව බ්රිතාන්ය වාර්තාවල සඳහන්.
එහිදී කැන්ටබරි අගරදගුරුතුමා විසින් සෙංකෝලය චාර්ල්ස් කුමරුට පිරිනැමීමෙන් අනතුරුව රන් ඔටුන්න චාර්ල්ස් කුමරුගේ හිස මත පළඳවමින් නිල වශයෙන් තුන්වෙනි චාර්ල්ස් රජු ලෙස කිරුළු පැළඳවීම සිදු කෙරෙනු ඇති.