ඔස්ටේ්‍රලියාව තුළ තාවකාලික වීසා මත සිටින පුහුණු ශ්‍රමිකයන්ගේ වාර්ෂික ආදායම් සීමාව ඩොලර් 91,000 දක්වා ඉහළ නැංවිය යුතු බවට ඔස්ටේ්‍රලියානු වෘත්තීය සමිති කවුන්සිලය යෝජනා කරනවා.
2013 සිට එම අගය පවතින්නේ ඩොලර් 53,900 ක උපරිම සීමාවේ වන අතර එම සීමාව තවත් ඩොලර් 37,000 කින් ඉහළ දැමිය යුතු බවටයි පසුගිය සතියේ පැවති රැකියා සහ නිපුණතා සමුලුවේදී යෝජනා වී ඇත්තේ.
රට තුළ දැනට පවතින පුහුණු ශ්‍රමික හිගය සැළකිල්ලට ගෙන මෙම ඉල්ලීම සිදු කරන බව ඔස්ටේ්‍රලියානු වෘත්තීය සමිති කවුන්සිලය සඳහන් කර තිබුණා.
ස්වාධීන ප්‍රතිපත්ති අධ්‍යයන ආයතනයක් වන Grattan ආයතනය මේ අතර නිර්දේශ කර තිබුණේ තාවකාලික නිපුණතා සංක්‍රමණිකයන් සඳහා වන වාර්ෂික අවම ආදායම් සීමාව ඩොලර් 70,000 ක් දක්වා වැඩි කල යුතු බවටයි.
ස්ථිර නිපුණතා සංක්‍රමණ වැඩසටහන යටතේ පැමිණෙන පුහුණු ශ්‍රමිකයන් සඳහා ඩොලර් 85,000 ක අවම ආදායම් සීමාවක් තිබිය යුතු බවටත් Grattan ආයතනය යෝජනා කරනවා.
මෙම සියලු කරුණු සැළකිල්ලට ගනිමින් ෆෙඩරල් භාණ්ඩාගාරික අමාත්‍ය ජිම් චාමර්ස් පවසා තිබුණේ තාවකාලික වීසා මත සිටින පුහුණු ශ්‍රමිකයන්ගේ වාර්ෂික ආදායම් සීමාව පිළිබඳ තීරණයක් ගැනීමට කාලය එළැඹ ඇති බවයි.
