මෙල්බන් හෝල්ට් ආසනය නියෝජනය කරමින් ලේබර් පක්ෂයෙන් තේරී පත්වූ ශ්‍රී ලාංකික සම්භවයක් ඇති කැසෙන්ඩ්‍රා ප්‍රනාන්දු අද කැන්බරා පාර්ලිමේන්තුවේදී සිය පළමු කථාව සිදුකරනු ලැබුවා.
එහිදී අවස්ථා ගණනාවකදී ඇය සංවේදීව අදහස් පළ කිරීම විශේෂත්වයක්.
ඊට හේතුව වූයේ ශ්‍රී ලංකාවේ සිට ඔස්ටේ‍රලියාවට සංක්‍රමණය වීම දක්වා තමන් සහ පවුලේ සාමාජිකයන් අත්විඳි දුක් ගැහැට පිළිබඳ ඇය සංවේදීව කරුණු දැක්වීමයි.
ශ්‍රී ලංකාවේ දෙහිවල ප්‍රදේශයේ වාසය කල සිය දෙමව්පියන් සහ ඔවුන්ගේ දෙමව්පියන් අත් විඳ අත්දැකීම්ද ඇය මෙහිදී පැහැදිලි කලා.
ඔස්ටේ්‍රලියාව යනු සියල්ලන්ට එක හා සමානව සළකන රටක් බැවින් මෙරටට සංක්‍රමණය වූ පසු උසස් ජීවන රටාවක් අත්විඳීමට අවස්ථාව ලැබුණු බවයි කැසන්ඩ්‍රා ප්‍රනාන්දු සඳහන් කලේ.
කුමන භාෂාවක් කථා කලද කුමන ජාතියකට අයත් වුවද මෙරටදී සියල්ලන්ට සම අවස්ථා උදාවන බවත් ඇය පෙන්වා දුන්නා.
තමා නියෝජනය කරන හෝල්ට් ආසනයේ සියයට 40 ක් ඉංග්‍රීසි හැර වෙනත් භාෂාවක් කථා කරන්නන් බවත් කැසන්ඩ්‍රා මෙහිදී සඳහන් කලා.
හෝල්ට් යනු ජෛව විවිධත්වය අතින් ඉහළම ප්‍රදේශයක් බවයි ඇය මෙහිදී පෙන්වා දුන්නේ.
වත්මන් ලේබර් රජය සියලු ජන කොට්ඨාශවලට සම අයිතිවාසිකම් හිමිවන වැඩපිළිවෙලක නිරත වී සිටින බවත් ඇය අවධාරණය කලා.
FULL VIDEO : https://parlview.aph.gov.au/mediaPlayer.php?videoID=588997&operation_mode=parlview
