ඔස්ටේ්‍රලියාව තුළ අධ්‍යයන පාඨමාලා හදාරා අවසන් කල සිසුන්ට ලබාදෙන TR වීසා බලපත්‍රයේ කාලසීමාව තවත් දිගු කිරීමට ෆෙඩරල් රජය තීරණය කර තිබෙනවා.
දැනට උග්‍ර සේවක හිගයක් පවතින ක්ෂේත්‍රවලට අදාළ උපාධි හෝ ඉන් ඉහළ අධ්‍යයන පාඨමාලා සඳහා එම නියමය බලාත්මක වනු ඇති.
මේ අනුව තෝරාගත් උපාධි පාඨමාලා සඳහා දැනට හිමිවන වසර 02 ක TR බලපත්‍රය වසර 04 දක්වා දිගු කිරීමට නියමිතයි.
Masters සඳහා වසර 03 සිට වසර 05 දක්වාත් – PhD සඳහා වසර 04 සිට වසර 06 දක්වාත් TR බලපත්‍ර ලබාදීමටයි ෆෙඩරල් රජය තීරණය කර ඇත්තේ.
ශිෂ්‍ය වීසා බලපත් හිමියන් සඳහා දැනට ලිහිල් කර ඇති අර්ධ කාලීන (part time) රැකියා කල හැකි පැය ගණනේ උපරිමය ලිහිල් කිරීමේ නීතිය ලබන වසරේ ජූනි දක්වා තවත් දිගු කිරීමටද තීරණය කර තිබෙනවා.
එමෙන්ම පාඨමාලාව ආරම්භයට පෙර සිටම ඔවුන්ට රැකියා සඳහා නිරතවීමට අවසර හිමිවන නීති සංශෝධනයක්ද සිදුකිරීමට නියමිතයි.
