ජෙට් ස්ටාර් ගුවන් ගමන් අවලංගු කිරීම හේතුවෙන් දහස් සංඛ්‍යාත පිරිසක් රටවල් කිහිපයක සිරවී සිටින බව වාර්තා වනවා.
පසුගිය දින කිහිපය පුරා ඉන්දුනීසියාව – තායිලන්තය සහ ජපානයේ සිට ඔස්ටේ්‍රලියාව දක්වා පැමිණිමට නියමිත වූ ගුවන් වාර කිහිපයක්ම අවලංගු කෙරුණේ තාක්ෂණික දෝෂ හේතුවෙනුයි.
බාලි දූපත් සිට මෙරටට පැමිණීමේ අපේක්ෂාවෙන් සිටින ඔස්ටේ්‍රලියානුවන් 4000 කට ආසන්න පිරිසක්ද ඊට අයත්.
කෙසේවෙතත් ජෙට් ස්ටාර් ගුවන් සේවය පවසන්නේ ගුවන් ගමන් අවලංගු වීම හමුවේ අපහසුතාවයට පත් ගුවන් මගීන්ට ඉඳුම් හිටුම් – ආහාර සහ ප්‍රවාහන පහසුකම් සළසා ඇති බවයි.
මේ අතර මෙල්බන් සිට ගමනාන්ත කිහිපයකට ගමන් කිරීමට සිටින ජෙට් ස්ටාර් මගීන් විශාල පිරිසක් දැඩි අවිනිශ්චිතභාවයක පසුවන බවයි ගුවන් තොටුපළ වාර්තා පවසන්නේ.
