අනිවාර්ය කොවිඩ් හුදකලා කාලය අඩු කිරීමට ජාතික කැබිනෙට්ටුව ගත් තීරණය සම්බන්ධයෙන් ඔස්ටේ්‍රලියානු වෛද්‍ය සංගමය අප්‍රසාදය පළ කරනවා.
එය දේශපාලන තීරණයක් මිස කරුණු නිසි ලෙස අධ්‍යයනය කර ගනු ලැබූ තීරණයක් නොවන බවයි ඔවුන් පෙන්වා දෙන්නේ.
කුමන වෛද්‍ය නිර්දේශයක් සළකා බලා මෙම තීරණය ගනු ලැබුවේද යන්න පිළිබඳ ෆෙඩරල් රජය පැහැදිලි ප්‍රකාශයක් කල යුතු බවද ඔස්ටේ්‍රලියානු වෛද්‍ය සංගමය අවධාරණය කරනවා.
රෝග ලක්ෂණ සහිත හා රහිත ලෙස ආසාධිතයන් වෙන්කර හුදකලා කාලය වෙනස් කිරීම පිළිබඳ තම කිසි එකගතාවයක් නොමැති බවත් ඔවුන් අවධාරණය කරනවා.
ලබන 09 වනදා සිට කොවිඩ් රෝග ලක්ෂණ නොමැති පුද්ගලයන්ට අනිවාර්ය හුදකලා කාලය දින 07 සිට 05 දක්වා අඩු කිරීමටයි ජාතික කැබිනෙට්ටුව ඊයේ තීරණය කලේ.
