ලොව සෙසු සංවර්ධිත රටවල්වල ධනවතුන්ට සාපේක්ෂව ඔස්ටේ්රලියාවේ ධනවතුන් දිළිඳු ජනතාවට උපකාර කිරීම ඉතා පහළ අගයක පවතින බවට ආන්දෝලනාත්මක වාර්තාවක් ප්රසිද්ධියට පත්වී තිබෙනවා.
CSI හෙවත් සමාජ බලපෑම සඳහා වන මධ්යස්ථානය විසිනුයි මෙම සමීක්ෂණය සිදුකර තිබුණේ.
ඔස්ටේ්රලියාවේ වඩාත් ධනවත්ම පුද්ගලයන් 200 දෙනාගේ වත්කම 2015 වසරේදී පැවතී ඇත්තේ ඩොලර් බිලියන 195.9 ක් ලෙසයි.
එය මේ වනවිට 03 ගුණයකින් වැඩිවී ඇති අතර මේ වනවිට එය පවතින්නේ ඩොලර් බිලියන 555 ක් ලෙසයි.
ඔස්ටේ්රලියාවේ දළ දේශීය නිෂ්පාදිතයට ඔවුන්ගේ දායකත්වය පවතින්නේ සියයට 0.81 ක් ලෙසයි.
කෙසේවෙතත් එය මහා බ්රිතාන්යය – කැනඩාව – නවසීලන්තය සහ අමෙරිකාව හා සැසඳීමේදී ඉතා පහළ අගයක් වනවා.
කිසියම් අයුරකින් ඔවුන්ගේ දායකත්වය සියයට 1 ක් ලෙස පැවතියේ නම් ඩොලර් බිලියන 5.55 ක මුදලක් ජාතික ආර්ථිකයට එකතුවන අතර එමගින් සහ සේවා කිසිදු අපහසුවකින් තොරව පවත්වාගෙන යාමටද ඉඩකඩ පවතින බවයි මෙම වාර්තාව පෙන්වා දෙන්නේ.