ශ්‍රී ලංකා පොදුජන පෙරමු‍ණේ තනතුරුවල වෙනසක් සිදු කරන බව එහි ප්‍රධාන ලේකම් නීතිඥ සාගර කාරියවසම් පවසනවා.
ඔහු ප්‍රකාශ කළේ, ලබන මාසයේ පැවැත්වීමට නියමිත පක්ෂ මහ සමුළුවේදී මෙම තනතුරු වෙනස් කිරීම් සිදු කරන බවයි.
විශේෂයෙන් පසුගිය කාලසීමාව තුළ ශ්‍රී ලංකා පොදුජන පෙරමුණ පක්ෂයක් ලෙස ගනු ලැබූ දේශපාලන තීන්දුවලට එරෙහිව යමින් කටයුතු කළ දැනට පක්ෂයේ ප්‍රධාන පෙළේ තනතුරු දරණ පුද්ගලයින් එම තනතුරුවලින් ඉවත් කිරීමට ද එහිදී කටයුතු කරන බව සාගර කාරියවසම් කියාසිටියා.
පසුගිය දා පාර්ලිමේන්තුවේ අනුප්‍රාප්තික ජනාධිපතිවරයා තෝරා ගැනීමේ ඡන්ද විමසීමේදී ශ්‍රී ලංකා පොදුජන පෙරමුණ පක්ෂයක් ලෙස රනිල් වික්‍රමසිංහට සහය දැක්වීමට තීරණය කලා.
එහෙත්, එහිදී පක්ෂයේ සභාපති මහාචාර්ය ජී. එල්. පීරිස්, භාණ්ඩාගාරික ඩලස් අලහප්පෙරුම ඇතුළු පිරිසක් ඊට එරෙහිව වෙනත් මතයක පිහිටා කටයුතු කලා.
