හිටපු ජනාධිපති ගෝඨාභය රාජපක්ෂ දිවයිනට පැමිණීම තවත් සති 02 කින් පමන කල් යනු ඇතැයි රොයිටර් පුවත් සේවය වාර්තා කරනවා.
මීට පෙර වාර්තා වුණේ හිටපු ජනාධිපතිවරයා අද දිනයේදී දිවයිනට පැමිණීමට නියමිත බවයි.
කෙසේවෙතත් ඔහු මෙරටට පැමිණීම ලබන සැප්තැම්බර් මස මුල භාගය දක්වා කල් යනු ඇති බවයි රොයිටර් පුවත් සේවය වාර්තා කළේ.
හිටපු ජනාධිපති ගෝඨාභය රාජපක්ෂ මහතා මේවනවිට තායිලන්තයේ රැඳී සිටිනවා.
එරට රැඳී සිටීමේදී වැයවන පිරිවැය හිටපු ජනාධිපතිවරයා ශ්‍රී ලංකාවට පැමිණීමට එක් කරුණක් බව ද විදෙස් මාධ්‍ය වාර්තා කර තිබුණා.
එමෙන්ම හිටපු ජනාධිපතිවරයාගේ ආරක්ෂාව සහ තවත් කරුණු කිහිපයක් හේතුවෙන් ඔහු යළි දිවයිනට පැමිණීම කල් යන බවයි විදෙස් මාධ්‍ය වාර්තා පවසන්නේ.
රට තුළ ආරම්භ වූ විරෝධතා හේතුවෙන් ඉකුත් ජූලි 13 වනදා හිටපු ජනාධිපති ගෝඨාභය රාජපක්ෂ දිවයිනෙන් පිටත්ව ගියේ මාලදිවයින වෙතයි.
අනතුරුව ඔහු සිංගප්පූරුව බලා ගිය අතර අනතුරුව තායිලන්තයට පැමිණුණා.
මේ අතර හිටපු ජනාධිපති ගෝඨාභය රාජපක්ෂට යළි මෙරටට පැමිණීම සඳහා ප්‍රමාණවත් ආරක්ෂාවක් සපයන ලෙස ශ්‍රී ලංකා මානව හිමිකම් කොමිෂන් සභාව රජයට නිර්දේශ කර තිබෙනවා.
