මොරිසන්ගේ ඉරණම අද විසඳෙයි

හිටපු අගමැති ස්කොට් මොරිසන් විසින් රහසිගතව ඇමති ධුර 05 ක දිව්රුම්දීම සම්බන්ධයෙන් ලැබුණු නීතිපති උපදෙස් කවරේදැයි අගමැති ඇන්තනී ඇල්බනීස් විසින් අද ප්‍රසිද්ධ කිරීමට නියමිතයි.

හිටපු අගමැතිවරයාගේ ක්‍රියාව නීත්‍යානුකූලද නැතිද යන්න දැනුම් දෙන ලෙසයි අගමැතිවරයා විසින් සොලිසිටර් ජනරාල්වරයාගෙන් ඉල්ලීමක් කලේ.

කිසියම් අයුරකින් ස්කොට් මොරිසන් විසින් නීති විරෝධී ක්‍රියාවක් කර ඇතැයි නීතිපතිවරයා විසින් දන්වා ඇත්නම් ඔහුට එරෙහිව නීතිමය පියවරක් ගැනෙනු ඇති බවටයි වාර්තා පළවන්නේ.

2020 වසරේ මැයි සහ 2021 වසරේ අප්‍රේල් යන කාලය අතරතුරදී එවක අගමැති ස්කොට් මොරිසන් විසින් සෞඛ්‍ය – මුදල් – භාණ්ඩාගාර – ස්වදේශ කටයුතු සහ විද්‍යා හා සම්පත් යන අමාත්‍යධුරවල රහසිගතව දිවුරුම් දී ඇති බව මේ වනවිට තහවුරු වී තිබෙනවා.

එවක කැබිනට් මණ්ඩලය පවා දැනුවත් කිරීමකින් තොරව සිදුකල මෙම කාර්ය හේතුවෙන් දචැනට දරන පාර්ලිමේන්තු මන්ත්‍රී ධුරයෙන්ද ස්කොට් මොරිසන් ඉල්ලා අස්විය යුතු බවයි ඔහු නියෝජනය කරන ලිබරල් පක්ෂය අභ්‍යන්තරයෙන්ම මේ වනවිට ඉල්ලීම් ඉදිරිපත්ව ඇත්තේ.

නීතිපති උපදෙස් ප්‍රසිද්ධියට පත් කිරීම ඔස්ටේ්‍රලියා ඉතිහාසයේ ඉතා විරල ලෙසයි සැළකෙන්නේ.

නිවාස සොයන අයට සහනයක් ගෙන එමින් බැංකු සහ මූල්‍ය ආයතනවලට නව නීති මාලාවක්

රජය විසින් ප්‍රකාශයට පත් කර ඇති ප්‍රතිසංස්කරණ හේතුවෙන් පොලී අනුපාත වෙනස්වීම් ඇතුලු කරුණු කිහිපයක් පිළිබඳව ගනුදෙනුකරුවන් දැනුවත් කිරීමට බැංකු බලධාරීන් පියවර ගෙන තිබෙනවා.

Read More »

සිඩ්නි දේවස්ථානයේ පිහි ඇනුමට සම්බන්ධ බාල වයස්කරුගේ දුකරථනයෙන් හමුවූ දේ

සිඩ්නි දේවස්ථානයක පිහි ඇනුමට සම්බන්ධ බාල වයස්කරුගේ දුරකථනයේ ඇති වීඩියෝ සහ ඡායාරූප දහස් ගණනක් පරීක්ෂා කිරීමට විමර්ශන නිලධාරීන් පියවර ගෙන තිබෙනවා.

Read More »

වලංගු ප්‍රවේශ පත්‍ර නොමැතිව ගිය පාසල් සිසුන්ට වෙච්චි දේ

පර්ත් සහ ඒ අවට ප්‍රදේශවල වලංගු ප්‍රවේශ පත්‍රයක් නොමැතිව පොදු ප්‍රවාහනය භාවිත කිරීමේ චෝදනා මත ට්‍රාන්ස්පර්ත් (Transperth) විසින් පාසල් සිසු සිසුවියන් 1300කට වැඩි පිරිසකට දඩ නියම කර තිබෙනවා.

Read More »

ඔස්ට්‍රේලියාවේ රැකියා කරන අයගෙන් වැඩි පිරිසක් සේවය හැර යාමේ සූදානමක්

එළඹෙන වසර තුළ ඔස්ට්‍රේලියානුවන්ගෙන් සියයට 30කට වැඩි පිරිසක් සිය රැකියාවෙන් ඉවත් වීමට ඉඩ ඇති බව නව පර්යේෂණයකින් අනාවරණ වී තිබෙනවා.

Read More »