මෙල්බන් විද්‍යාඥයන් පිරිසක් විසින් පිළිකා රෝගය සම්බන්ධයෙන් නවතම අධ්‍යයනයක් ආරම්භ කර තිබෙනවා.
ඒ අනුව ඩී එන් ඒ තාක්ෂණය යොදාගෙන ජාන ක්‍රියාකාර්ත්වය සම්බන්ධයෙන් ලොව පළමු පිළිකා පරීක්ෂණයයි ඔවුන් ක්‍රියාවට නංවා ඇත්තේ.
මෙමගින් මුල් අවධියේදීම පිළිකා රෝගය හඳුනාගත හැකිවුවහොත් දහස් ගණනකගේ ජීවිත ගළවා ගත හැකි බවයි මෙල්බන් විද්‍යාඥයන් පෙන්වා දෙන්නේ.
මොනෑෂ් විශ්ව විද්‍යාලයේ සිදුකෙරෙන මෙම පර්යේෂණය සඳහා පුද්ගලයන් 10,000 කට ආසන්න පිරිසක් සහභාගී වී සිටිනවා.
ඉන් 75 දෙනෙකුගෙන් අයෙකු පමණ මෙම පරීක්ෂණයේදී පිළිකා රෝගීන් ලෙස හඳුනා ගැනෙනු ඇතැයි අපේක්ෂිතයි.
