නිවු සවුත් වේල්ස් හදිසි ආපදා සහන සේවා ඉතිහාසයේ කාර්යබහුලම වසර ගෙවී ගිය මාස 12 දී වාර්තා වී තිබෙනවා.
2021 ජුනි 01 වනදාත් මෙම වසරේ ජුනි 30 වනදාත් අතර කාලයේදී හදිසි සහාය ඉල්ලා ඔවුන්ට ඇමතුම් 64,000 කට වැඩි සංඛ්යාවක් ලැබී තිබුණා.
කෙසේවෙතත් පෙර වසරේදී එය සටහන් වී ඇත්තේ 42,000 ක් ලෙසයි.
පසුගිය මාස 12 තුළදී ජල ගැලීම් හේතුවෙන් ගලවා ගැනීම් 2645 ක් / කුණාටු සම්බන්ධ බේරා ගැනීම් 38,000 ක් නිවු සවුත් වේල්ස් ප්රාන්ත හදිසි ආපදා අංශ විසින් සිදුකර ඇති බවයි නවතම වාර්තාවක දැක්වෙන්නේ.
මේ අතර ඉදිරි මාස 12 සඳහාද ස්වේච්ඡා සේවකයන් 10,000 කට අධික සංඛ්යාවක් බඳවා ගැනීමට පියවර ගනිමින් ඇතැයි ඔවුන් නිකුත් කර ඇති නිවේදනයක වැඩිදුරටත් සඳහන්.