වික්ටෝරියා ප්‍රාන්තයේ අධිවේගී මාර්ගවල වාහන නතර කිරීම් සම්බන්ධ රිය අනතුරු මරණ සංඛ්‍යාව ඉහළ ගොස් තිබෙනවා.
වික්ටෝරියා මාර්ග ආරක්ෂණ අංශ පවසන්නේ හදිසි දෝෂ හමුවේ අධිවේගී මාර්ගයේ වාහන නතර කර පිටතට පැමිණීම් හමුවේ මෙලෙස අනතුරු ඉහළ ගොස් ඇති බවයි.
විශේෂයෙන් විශාල ට්‍රක් රථ රියදුරන්ට මාර්ගය මත සිටින පුද්ගලයන් නොපෙනීයාම හමුවේ රිය අනතුරු සිදුවීම බහුලවී ඇති බවද අනාවරණය වනවා.
මෙම වසර තුළදී පමණක් වික්ටෝරියා ප්‍රාන්තයේ අධිවේගී මාර්ග ආශ්‍රිත රිය අනතුරු 429 ක් වාර්තා වී තිබෙනවා.
මාර්ගයේ නතර කර ඇති වාහනවලින් පිටතට භාණ්ඩ විසිවීම් සම්බන්ධ සිදුවීම් 120 ක් මෙම කාලසීමාවේදී සටහන්වී ඇති බවද සඳහන්.
එබැවින් වික්ටෝරියා මාර්ග ආරක්ෂණ අංශ අධිවේගී මාර්ග භාවිත කරන රියදුරන්ට දන්වා සිටින්නේ කිසියම් දෝෂයක් ඇතිවු විට වාහනයෙන් පිටතට නොපැමිණ හදිසි ආපදා අංශ අමතන ලෙසයි.
