වික්ටෝරියා ප්‍රාන්ත පාලක ලේබර් පක්ෂ රජය සහ වික්ටෝරියා ගිනි නිවීම් භටයන්ගේ සංගමය අතර මතභේදයක් නිර්මාණය වී තිබෙනවා.
ඒ සිය සාමාජිකයන් ලියාපදිංචි කිරීමේ නව වැඩපිළිවෙලක් සඳහා ඔවුන් විසින් ඉල්ලා තිබූ අවසරය ඉවත දැමීමට ප්‍රාන්ත රජය ගෙන ඇති තීරණයත් සමගයි.
මීට පෙරත් අවස්ථා කිහිපයකදී ඩැනියල් ඇන්ඩෲස් රජය සහ වික්ටෝරියා ප්‍රාන්ත රජය අතර විවිධ කරුණු හේතුවෙන් මතභේද හටගෙන තිබුණා.
ලබන නොවැම්බරයේ පැවැත්වෙන ප්‍රාන්ත මැතිවරණයේදී වික්ටෝරියා ලේබර් පක්ෂයට ඡන්දය නොදෙන්නැයි ගිනි නිවීම් භටයන්ගේ සංගමය ප්‍රසිද්ධියේ ප්‍රචාරණ කටයුතු සිදුකරන ආකාරයක්ද දක්නට ලැබෙනවා.
කෙසේවෙතත් වික්ටෝරියා ප්‍රාන්ත රජය අවධාරණය කරන්නේ යෝජිත සංශෝධන මගින් සේවකයන් බඳවා ගැනීම් වැනි කටයුතුවලදී එම සංගමයට වැඩි බලතල හිමිවන බවයි.
