ලොක්ඩවුන් කාලසීමාවේදී නිවසේ සිට රාජකාරි කිරීම් අවසන්වීමෙන් පසු ප්‍රධාන නගරවල කාර්යාල අතුරින් වැඩිම පිරිසක් සේවයට වාර්තා කර නොමැත්තේ මෙල්බන් නගරයේ බව අනාවරණ වී තිබෙනවා.
ජූලි මාසයේදී මෙල්බන් නගරයේ කාර්යාල අතුරින් සේවා කටයුතු පවත්වාගෙන ගොස් ඇත්තේ සියයට 38 ක පමණයි.
එය ජූනි මාසයේ පැවති සියයට 49 හා සැසඳීමේදී කැපී පෙනෙන පහළයාමක්ද වනවා.
ජූලි මාසයේ ඇතැම් දිනවල මෙල්බන් කාර්යාල අතුරින් විවෘත කර ඇත්තේ සියයට 19 ක් වැනි ඉතා පහළ අගයක් බවද සඳහන්.
සිඩ්නි සියයට 52 ක් – බ්‍රිස්බන් සියයට 53 ක් සහ ඇඩිලේඩ් සියයට 64 ක් ලෙස කාර්යාල විවෘතව තැබීමේ කිසියම් පහළයාමක් පෙන්නුම් කෙරෙන නමුත් සෙසු සෑම ප්‍රධාන නගරයකම සතුටුදායක තත්වයකුයි පවතින්නේ.
පවතින තත්වය හමුවේ කාර්යාල වෙත සේවකයන් යළි ආකර්ෂණය කර ගැනීම සඳහා මෙල්බන් නගර කවුන්සිලය විශේෂ අවධානයක්ද යොමුකර තිබෙනවා.
