දැනට අත්අඩංගුවේ පසුවන සමාජ ක්‍රියාකාරී පැතුම් කර්නර් නිදහස් කරන ලෙස ඔන්ලයින් පෙත්සමකට අත්සන් තැබීම ආරම්භ කර තිබෙනවා.
අනතුරුව එය කොළඹ එක්සත් ජාතීන්ගේ කාර්යාලයට භාර දීමට නියමිතයි.
ඔස්ටේ්‍රලියාවේ කැන්බරා නුවර වාසය කරන තවත් වෛද්‍යවරයෙකු වන තාරක බණ්ඩාර විසිනුයි මෙම පෙත්සම මුදා හැර ඇත්තේ.
වෘත්තියෙන් වෛද්‍යවරයෙකු වන පැතුම් කර්නර් ශ්‍රී ලංකාවේ වත්මන් වාතාවරණය හමුවේ සිය අදහස් ප්‍රකාශ කිරීමේ අයිතිය ක්‍රියාවේ නැංවීම පමණක් සිදුකර ඇති බවයි මෙම පෙත්සමෙහි දක්වා තිබෙනවා.
එහෙත් ශ්‍රී ලංකා රජය විසින් අනීතිකව ඔහු ඇතුලු තවත් ක්‍රියාකාරීන් පිරිසක් අත්අඩංගුවට ගෙන රඳවා ගෙන සිටින බවට මෙම පෙත්සමෙන් චෝදනා කර තිබෙනවා.
එබැවින් මේ පිළිබඳ ශ්‍රී ලංකා රජයේ අවධානය යොමු කරන්නැයි එක්සත් ජාතීන්ගේ සංවිධානයෙන් ඉල්ලා සිටිමිනුයි මෙම පෙත්සම අත්සන් කිරීම ආරම්භ කර ඇත්තේ.
අදාළ ඔන්ලයින් පෙත්සමට ඔබටත් පහතින් අත්සන් තැබිය හැකියි :
