වයස අවුරුදු 05 ට අඩු අවධානම් තත්වයේ සිටින දරුවන් සඳහාද ඔස්ටේ්‍රලියාව තුළ මොඩර්නා කොවිඩ් මර්දන එන්නත අනුමත කර තිබෙනවා.
සෞඛ්‍ය අමාත්‍ය මාර්ක් බට්ලර් පැවසුවේ ඔස්ටේ්‍රලියානු තාක්ෂණික උපදේශක කමිටුව හෙවත් ATAGI විසින් ඒ සඳහා අවසරය දී ඇති බවයි.
මේ අනුව ප්‍රතිශක්තීකරණ දුර්වලතා සහිත – ආබාධ සහිත සහ දරුණු සෞඛ්‍ය ගැටලු සහිත මාස 06 ත් අවුරුදු 05 ත් අතර දරුවන්ට ලබන සැප්තැම්බර් 05 වනදා සිට මොඩර්නා එන්නත ලබාගත හැකි වනවා.
වයස අවුරුදු 05 ට අඩු දරුවන් සැළකිය යුතු ප්‍රතිශතයක් මේ යටතේ කොයවිඩ් එන්නත්කරණයට යටත් කෙරෙන අතර එම කඩඉම පසුකරන පළමු රටවල් කිහිපය අතරට ඔස්ටේ්‍රලියාවද මේ අනුව අයත්වීම විශේෂත්වයක්.
මේ සඳහා දැනටමත් මොඩර්නා එන්නත් මාත්‍රා ලක්ෂ 05 ක් වෙන් කර ගෙන ඇති අතර ඉන් බහුතරයක් අද රාත්‍රියේ රටට පැමිණෙන බවයි සෞඛ්‍ය අමාත්‍ය මාර්ක් බට්ලර් සඳහන් කලේ.
