සීඝ්‍රයෙන් ඉහළ යන ඔස්ටේ්‍රලියාවේ උද්ධමනය හා සැසඳීමේදී වැටුප් පරිමාණයන් ඊට සමගාමීව වැඩි නොවීම සම්බන්ධයෙන් විශාල පිරිසක් අප්‍රසාදය පළකර තිබෙනවා.
වසර 32 කට පසු මෙරට ඉහළම උද්ධමනය ලෙස සියයට 6.1 ක් සටහන් වූ බව සංඛ්‍යාලේඛණ කාර්යාංශය ඊයේ නිවේදනය කලා.
එමෙන්ම පසුගිය මාස 12 සැළකීමේදී භාණ්ඩ මිළ ගණන්ද සියයට 6.1 කින් වැඩිවී ඇති බවයි එම වාර්තා තවදුරටත් සඳහන් කලේ.
කෙසේවෙතත් අදාළ කාලසීමාවේදී වැටුප් වැඩිවී ඇත්තේ සියයට 3.4 කින් පමණයි.
ජාතික අවම වැටුප මීට සති කිහිපයකට පෙරදී වැඩි කෙරුණද ජීවන වියදම පාලනයට එය ප්‍රමාණවත් නැතැයි යන්න බොහෝ පිරිසකගේ ස්ථාවරය වී තිබෙනවා.
විශේෂයෙන් ඉන්ධන මිළ ඉහළ යන සෑම අවස්ථාවකදීම භාණ්ඩ මිළ ගණන්ද ඊට සමගාමීව වැඩිවීම හමුවේ මෙම තත්වය තවත් උග්‍රවී ඇති බව සඳහන්.
