වික්ටෝරියා ප්‍රාන්ත ලේබර් පක්ෂ මන්ත්‍රීවරුන් පිරිසකගේ අයථා ක්‍රියා සම්බන්ධයෙන් ප්‍රසිද්ධ වූ කරුණුවල වගකීම භාරගන්නා බව ප්‍රාන්ත අගමැති ඩැනියල් ඇන්ඩෲස් පවසනවා.
දූෂණ මර්දන නිළධාරීන් විසින් ප්‍රකාශයට පත් කල වාර්තාවේ අඩංගු නිර්දේශ 21 ම ක්‍රියාත්මක කරන බවයි අගමැතිවරයා අවධාරණය කලේ.
වික්ටෝරියා ප්‍රාන්තයේ දූෂණ මර්දන අංශ සිදුකල විමර්ශනයක වාර්තාවට අනුව වික්ටෝරියා ප්‍රාන්තයේ ලේබර් පක්ෂ මන්ත්‍රීවරුන් කිහිප දෙනෙකුට දූෂණ චෝදනා එල්ල කර තිබෙනවා.
බදු මුදල් සහ ප්‍රජා අරමුදල් අයථා භාවිතය ඉන් ප්‍රමුඛ වන බවයි මෙම වාර්තාවේ දැක්වෙන්නේ.
වික්ටෝරියා ප්‍රාන්ත ලේබර් පක්ෂය තුළ සදාචාරය සැළකිය යුතු අන්දමින් බිඳ වැටී ඇති බවත් මෙම වාර්තාවෙන් අනාවරණය කර තිබෙනවා.
මේ පිළිබඳ තමා ලැජ්ජාවට මෙන්ම කණගාටුවටද පත් වන බවයි අගමැති ඩැනියල් ඇන්ඩෲස් කියාසිටියේ.
