අගමැති ඇන්තනී ඇල්බනීස් විසින් අද දිනයේදී හදිසි ජාතික කැබිනට් මණ්ඩල රැස්වීමක් කැඳවා තිබෙනවා.
එය ලබන සඳුදා පැවැත්වීමට නියමිත වුවද දින 02 කට පෙර පැවැත්වීමටයි ඊයෙ රාත්‍රියේ තීරණය කර ඇත්තේ.
ඉහළ යන කොවිඩ් තත්වය සහ කොවිඩ් සහන මුදල් ගෙවීම් සම්බන්ධයෙන් මෙහිදී අවධානය යොමු කිරීමට නියමිතයි.
කොවිඩ් හමුවේ හුදකලා කෙරුණු පුද්ගලයන් සඳහා සිදුකල ගෙවීම් කිහිපයක් ජූලි පළමුවනදා සිට නතර කෙරුණා.
ඒ අනුව ඇතැම් සේවකයන්ට රැකියාව කිරීමට නොහැකිව වැටුප්ද නොමැතිව නිවසට වී සිටීමටයි සිදුවී ඇත්තේ.
3 වන ඔම්ක්‍රොන් රැල්ල සහ ස්වයං නිරෝධායනය වීමේදී සතියකට ගෙවනු ලබන ඩොලර් 750 ක ගෙවීම ආපසු ආරම්භ කිරීම යන කරුණු එහිදී සාකච්ඡා කිරීමට නියමිතයි.
අවම වශයෙන් ශීත සෘතුව අවසන් වන තෙක් එම ගෙවීම් නැවත ස්ථාපිත කරන ලෙස විපක්ෂය, ප්‍රාන්ත අගමැතිවරුන් සහ ඇතැම් කම්කරු පක්ෂ මන්ත්‍රීවරුන් අගමැතිවරයාගෙන් ඉල්ලා තිබුණා.
