ඊයේ (13) රාත්‍රිය පුරා ශ්‍රී ලංකාවේ සිදුවූ සිදුවීම් කිහිපයක් කෙටියෙන් පහත දැක්වේ
වැඩ බලන ජනාධිපති රනිල් වික්‍රමසිංහ නිකුත් කර ඇති අති විශේෂ ගැසට් නිවේදනයට අනුව ශ්‍රී ලංකාවේ වේලාවෙන් අද (14) අලුයම 05 දක්වා මුලු දිවයිනටම ඇඳිරි නීතිය පණවා ඇත.
ජනපති ධුරයේ රාජකාරි ඉටු කිරීම සඳහා අගමැති රනිල් වික්‍රමසිංහ පත් කරමින් ජනපති විසින් අති විශේෂ ගැසට් නිවේදනයක් නිකුත් කරයි.
සර්වපාක්ෂික ආණ්ඩුවක් පිහිටුවීමට ආණ්ඩුපක්ෂය හා විපක්ෂය යන දෙපාර්ශවය පිලිගන්නා අග්‍රාමාත්‍යවරයකු නම් කරන ලෙස වැඩබලන ජනාධිපති හා අග්‍රාමාත්‍ය රනිල් වික්‍රමසිංහ කතානායක මහින්ද යපා අබේවර්ධන වෙත දැනුම් දි ඇත.
වහා ධුරයෙන් ඉවත් වන ලෙස ත්‍රිවිධ හමුදාපතිවරුන් විසින් වැඩ බලන ජනාධිපති රනිල් වික්‍රමසිංහට දන්වා ඇතැයි විපක්ෂයේ ප්‍රධාන සංවිධායක පාර්ලිමේන්තු මන්ත්‍රී ලක්ෂ්මන් කිරිඇල්ල පවසනවා.
එමෙන්ම ඊයේ පැවති පක්ෂ නායක රැස්වීමේදී තීරණය වී ඇත්තේ ජනාධිපතිවරයා ඉල්ලා අස්වීමට පෙර රනිල් වික්‍රමසිංහ ඉල්ලා අස්විය යුතු බවටයි.
මීළඟ ජනාධිපතිවරයා පත්වන තෙක් රටේ සාමය සහ ආරක්ෂාව පවත්වාගෙන යාමට ත්‍රිවිද හමුදාවට සහ පොලිසියට සහයෝගය ලබාදෙන ලෙසට ආරක්ෂක මාණ්ඩලික ප්‍රධානී ජෙනරාල් ශවේන්ද්‍ර සිල්වා ඉල්ලීමක් කරනවා.
