මහරගම නගරයේ දී අරගලයට සහාය දැක් වූ පොලිස් සැරයන්වරයා අද (11) අළුයම තියුණු ආයුධයක් රැගෙන ජනාධිපති මන්දිරයට ඇතුළු වීමට තැත් කිරීමේදී අත්අඩංගුවට ගෙන ඇතැයි පොලිස් මාධ්ය ප්රකාශක ජ්යෙෂ්ඨ පොලිස් අධිකාරී නීතීඥ නිහාල් තල්දූව පැවසීය.
මෙලෙස අත්අඩංගුවට ගෙන ඇත්තේ හෝමාගම මාගම්මන ප්රදේශයේ පදිංචි නාරාහේන්පිට පොලිස් ගරාජ් හි සේවයේ නියුතු සැරයන්වරයෙකි.
සැකකාර සැරයන්වරයා සන්තකයේ තිබී අඟල් 2 ක් පමණ පළල ,අඟල් 10ක් පමණ දිගැති මන්නයක් පොලිස් භාරයට ගෙන ඇත.
පොලිස් නිල ඇඳුමෙන් සැරසී සිටි සැකකරු සෙරෙප්පු යුගලක් පැලඳ ජනාධිපති මන්දිරයට ඇතුළු වීමට පැමිණි අවස්ථාවේදී එහි ආරක්ෂාවට සිටි හමුදා නිලධාරීන්ට සැකසිතී ඔහු කෙරේ අවධානය යොමුවී නවතා ගෙන සිදු කළ පරික්ෂාවේදී තියුණු ආයුධය ඉනේ ගසාගෙන සිට ඇතැයි පොලිසිය කියයි.
ඒ සමගම සැකකරු එහි ආරක්ෂාවට සිටි පොලිස් නිලධාරීන්ට භාර දීමෙන් අනතුරුව කොටුවක් පොලිසියේ ජංගම රථය එම ස්ථානයට ගෙන භාරදීමට බාරදීමට කටයුතු කළ බව පොලිස් නිළධාරියෙකු පැවසීය.
අත්අඩංගුවට ගත් පොලිස් සැරයන්වරයා ඉකුත් නම වෙනි දින අරගලයට පාගමනින් යමින් සිටි තරුණ පිරිසකට මහරගම නගරයේ දී තම දෙඅත් උත්සාහ සහාය පළකල තැනැත්තා බව පොලිසිය කියයි.
කොටුව පොලිසිය පරීක්ෂණ පවත්වයි.