ජපානයේ නරා නගරයේ මැතිවරණ ප්‍රචාරක රැස්වීමක් අතරතුරදී වෙඩි ප්‍රහාරයකට ලක්ව බරපතල තුවාල ලැබූ එරට හිටපු අග්‍රාමාත්‍ය ෂින්සෝ අබේ මහතා ජීවිතක්ෂයට පත්ව තිබෙනවා.
ඉතා අසාධ්‍ය තත්වයෙන් රෝහල්ගත කෙරුණු ඔහුගේ ගෙල ප්‍රදේශයට වෙඩි වැදී තිබූ බවයි ජපාන වාර්තා සඳහන් කලේ.
මෙම සිද්ධිය සම්බන්ධයෙන් අවුරුදු 40 ක් පමණ වන පුද්ගලයෙකු සැකපිට අත්අඩංගුවට ගනු ලැබුවා.
සැකකරු එරට සමුද්‍රීය ස්වයං ආරක්ෂක බලකායේ හිටපු නිලධාරියෙකු බවයි විදෙස් මාධ්‍ය වාර්තා කළේ.
67 හැවිරිදි ෂින්සෝ අබේ 2006 වසරේ සිට 2007 වසර දක්වාත්, යළිත් 2012 වසරේ සිට 2020 වසර දක්වාත් ජපානයේ අග්‍රාමා්‍යවරයා ලෙස කටයුතු කලා.
2020 වසරේදී අග්‍රාමාත්‍ය ධුරයෙන් ඉල්ලා අස්වූ ෂින්සෝ අබේ සැළකෙන්නේ ජපාන ඉතිහාසයේ වැඩිම කාලයක් අගමැති ධුරය හෙබවූ පුද්ගලයා ලෙසයි.
