ඉතිහාසයේ පළමු වරට ශ්‍රී ලංකාවේ උද්ධමනය 50 % ඉක්මවා ගොස් තිබෙනවා.
ඒ ජූනි මාසයේ උද්ධමනය 54.6 % ක් ලෙස වාර්තා වීමත් සමගිනුයි.
එය මැයි මාසයේ පැවතියේ සියයට 39.1 ක් ලෙසයි.
උද්ධමනය මෙලෙස ඉහළ යෑම සඳහා ආහාර සහ ආහාර නොවන කාණ්ඩ දෙකෙහිම මිල ගණන්හි සිදු වූ මාසික ඉහළ යෑම් හේතු වී තිබෙනවා.
ආහාර කාණ්ඩය තුළ ජුනි මාසයේ දී, නැවුම් මත්ස්‍ය, එළවළු, පාන්, සහල් සහ කිරිපිටි මිල සැලකිය යුතු ලෙස ඉහළ ගොස් තිබෙනවා.
ආහාර නොවන කාණ්ඩය තුළ, ප්‍රධාන වශයෙන් පෙට්‍රල්, ඩීසල්, පාසල් ප්‍රවාහන ගාස්තු සහ බස් ගාස්තු, ආපනශාලා සහ හෝටල්, අධ්‍යාපනය, සහ නිවාස, ජලය, විදුලිය, ගෑස් යන උප කාණ්ඩවල මිල ඉහළ යාමකුයි පෙන්නුම් කර ඇත්තේ.
