මයිටාවෙක් නිසා ඕස්ට්‍රේලියාවේ මී මැස්සන් ලොක්ඩවුන් කරයි

මරාන්තික පරපෝෂිත මයිටාවන් විශේෂයක් ඕස්ට්‍රේලියාවේ මී මැසි ජනපද ආක්‍රමණය කරමින් ඇතැයි විදෙස් මාධ්‍ය වාර්තා කරනවා.

ඒ අනුව එම මයිටාවන් විශේෂය ව්‍යාප්තවීම පාලනය කිරීම සඳහා මී මැස්සන් මිලියන ගණනක් ඔවුන් සිටින ප්‍රදේශ තුළම සිරකර තැබීමට හා ඔවුන් සිටි වදවලින් ලබාගත් පැණි වෙනත් ප්‍රදේශවලට රැගෙන යාම තහනම් කිරීමටයි ඔස්ට්‍රේලියාව පියවර ගෙන ඇත්තේ.

අදාළ මයිටාවන් විශේෂයේ ව්‍යාප්තිය පාලනය කිරීම සඳහා තවත් මී මැස්සන් දහස් ගණනක් විනාශ කිරීමට සිදුවනු ඇති බව ද ඔස්ට්‍රේලියාව පවසනවා.

මී මැස්සන්ගේ ශරීරයේ පරපෝෂිතයින් ලෙස ජීවත්වන මෙම මයිටාවන් විශේෂය ලොව වෙනත් රටවල මී වද තුල සිටියදී මීට පෙර හඳුනාගෙන තිබුණත් ඕස්ට්‍රේලියාවෙන් හඳුනාගෙන ඇත්තේ පළමුවරටයි.

ඒ අනුව සිඩ්නි නුවර ඇතුළුව නිව් සවුත්වේල්ස් ප්‍රාන්තයේ තවත් නගර 06 ක මී මැසි ජනපද පරීක්ෂාවේදී එම මයිටාවන් හඳුනාගෙන ඇතැයි විදෙස් මාධ්‍ය වාර්තා කළා.

තල ඇටයක ප්‍රමාණයෙන් යුතු මෙම මයිටාවන් විශේෂය සිය ප්‍රජනනය සිදුකරනු ලබන්නේ මී මැසි ජනපද තුළ පමණක් බවයි පර්යේෂකයින් පවසන්නේ.

එම මයිටාවන් මී මැස්සන්ගේ ශරීරය තුළට වී ඔවුන් දුර්වල කරමින් පරපෝෂිතයින් ලෙස වැඩෙන අතර මී මැස්සන් අතර වෛරස් සම්ප්‍රේෂණය ද සිදුකරන බව පර්යේෂකයින් පවසනවා.

කෙසේවෙතත් මෙම මයිටාවන් ඔස්ට්‍රේලියාව තුළ තවදුරටත් ව්‍යාප්ත වුවහොත් මී පැණි නිෂ්පාදන කර්මාන්තයට වසරකදී ඩොලර් මිලියන 70ක් පමණ අහිමිවනු ඇති බවටයි ආර්ථික විශේෂඥයින් පුරෝකථනය කරන්නේ.

එමෙන්ම ඕස්ට්‍රේලියාවේ ආහාර නිෂ්පාදන කර්මාන්තයට දැඩි බලපෑමක් එල්ල වනු ඇති බවත්, එරට ආහාර නිෂ්පාදනයෙන් තුනෙන් එකක් පමණ වන ආමන්ඩ්, ඇපල් සහ අලිගැටපේර ඇතුළු මී මැසි පරාගණය මත රඳා පවතින බෝග වගාවන් අර්බුදයට ලක්වනු ඇති බවත් විදෙස් මාධ්‍ය වාර්තා කළා.

විදෙස් රටක අතරමං වූ ඔස්ට්‍රේලියානුවන් රැගෙන එන්න රජයෙන් සැලසුමක්

නිව් කැලිඩෝනියාවේ අර්බුධකාරී වාතාවරණය හේතුවෙන් අතරමංව සිටින ඔස්ට්‍රේලියානුවන් මව් රටට ගෙන ඒමට රජය විශේෂ වැඩසටහනක් ආරම්භ කර තිබෙනවා.

Read More »

විරෝධතාකරුවන් පිරිසක් අදත් මෙල්බන්වල කලබලයක් කරන්න සූදානම් බවට තොරතුරු

පලස්තීන හිතවාදී ආධාරකරුවන් මෙල්බන්හි වික්ටෝරියානු කම්කරු පක්ෂ සමුළුවට බලහත්කාරයෙන් කඩා වැදීමෙන් පසු දෙවන දිනටත් විරෝධතා ව්‍යාපාරයක් ආරම්භ කිරීමේ සැලසුමක් ඇතැයි වාර්තා වනවා.

Read More »

ඔස්ට්‍රේලියාවේ තරුණ කණ්ඩායම් අවදානමක

ත්‍රස්තවාදී කණ්ඩායම්වලට සාමාජිකයන් බඳවා ගන්නන් විසින් ඔස්ට්‍රේලියානු තරුණයන් රැඩිකල් මතවාදවලට හුරු කරන ආකාරය පිළිබඳ ත්‍රස්ත විරෝධී විශේෂඥයෙකු අනතුරු අඟවා තිබෙනවා.

Read More »

වික්ටෝරියා ප්‍රාන්තයට අලුත් නීතියක් ගේන්න අගමැතිනිය සූදානමින්

සිල්ලර වෙළඳසල්, ආගන්තුක සත්කාර හෝ ප්‍රවාහනය වැනි සේවාවන් ලබා ගන්නා ගනුදෙනුකරුවන් විසින් එම සේවාවන් ලබාදෙන සේවකයින් හිංසනයට පත් කිරීමේ සිදුවීම්වලට එරෙහිව නව නීති හඳුන්වා දීමට වික්ටෝරියානු රජය සැලසුම් කර තිබෙනවා.

Read More »