ඉල්ලා අස්වු ඇමතිවරුන් වෙනුවට නව පිරිසක් අනුයුක්ත කිරීමට වික්ටෝරියා අගමැති ඩැනියල් ඇන්ඩෲස් තීරණය කර තිබෙනවා.
ඒ සම්බන්ධ අවසන් තීරණයක් ගැනීම සඳහා වික්ටෝරියා පාර්ලිමේන්තුවේ පාලක පක්ෂ මන්ත්‍රී කණ්ඩායම හෙට පෙරවරු 10 ට රැස්වීමට නියමිතයි.
දැනට පුරප්පාඩු වී ඇති නියෝජ්‍ය අගමැති ධුරය ඇතුලු සියලු තනතුරු සඳහා පත් කරනුයේ කවුරුන්ද යන්න එහිදි තීන්දු කිරීමට නියමිතයි.
මෙම වසරේ පැවැත්වෙන වික්ටෝරියා පාර්ලිමේන්තු මැතිවරණයෙන් පසු දේශපාලනයෙන් විශ්‍රාම ගැනීමට වික්ටෝරියා හි ජ්‍යෙෂ්ඨ ඇමතිවරුන් 04 දෙනෙකු ඊයේ තීරණය කලා.
නියෝජ්‍ය අගමැති ජේම්ස් මර්ලීනෝ – සෞඛ්‍ය ඇමති මාර්ටින් ෆොලී – පොලිස් ඇමතිනී ලීසා නෙවිල් සහ ක්‍රීඩා හා සංචාරක ඇමති මාර්ටින් පැකියුලා මීට අයත්.
ඔවුන් 04 දෙනාම අද පාර්ලිමේන්තුවේදී ඒ බව නිල වශයෙන් දැනුම් දෙනු ලැබුවා.
මෙම ඉල්ලා අස්වීම්ද සමග වික්ටෝරියා ප්‍රාන්ත රජයේ කැබිනට් මණ්ඩල සංශෝධනයක් සිදුකෙරෙනු ඇති.
