ප්‍රංශය සමග පලුදුවී ඇති සබඳතා නැවත ශක්තිමත් කරගැනීමේ අපේක්ෂාවෙන් අගමැති ඇන්තනී ඇල්බනීස් ලබන සතියේදී ප්‍රංශයේ නිල සංචාරයකට එක්වීමට සූදානම් වනවා.
ජනාධිපති එමැනුවෙල් මැක්‍රෝන් සමග ද්විපාර්ශවික සාකච්ඡාවකට එක්වීමටයි ඔහු සූදානමින් පසුවන්නේ.
පැවති ස්කොට් මොර්සන් රජය විසින් අමෙරිකාව සහ බ්‍රිතාන්‍යය සමග ඔස්ටේ්‍රලියාවද අත්සන් තබන ලද ගිවිසුමක් ප්‍රකාරව ඊට ඉහතදී ප්‍රංශයෙන් මිළදී ගැනීමට එකගවූ සබ්මැරීන් ප්‍රමාණයක් මිළයට ගැනීමේ ගිවිසුමක් අවලංගු කෙරුණා.
ඒ සමග ඔස්ටේ්‍රලියාව සහ ප්‍රංශය අතර මතභේදාත්මක තත්වයක් හටගත්තා.
ප්‍රංශය සමග පලුදුව පවතින සබඳතා නැවත ඇතිකරගැනීමට තමා අගමැතිවරයා බවට පත්වුවහොත් කටයුතු කරන බවටද ඇන්තනී ඇල්බනීස් පසුගිය ෆෙඩරල් මැතිවරණයේදීත් සහතික වුණා.
