ප්‍රවීණ සිනමා සහ ටෙලිනාට්‍ය රංගනවේදිනී ලියෝනී කොතලාවල අද දින සිය ජීවන චාරිකාව නිමාකළ අතර මියැදෙන විට ඇය 74 වැනි වියෙහි පසුවූවාය.
ජී. ඩී. එල්. පෙරේරාගේ නාට්‍යවලින් කලා ලොවට පිවිසි ලියෝනි කොතලාවල අද දින සිය උපන්දිනය සමරයි.
“සාමා” චිත්‍රපටයේ ප්‍රධාන චරිතය නිරූපණය කරමින් සිනමාවට එක්වූ ඇය “චණ්ඩාළි”, “පිපෙන කුමුදු”, “වජිරා”, “රජ දරුවෝ” සහ “පුනරුප්පත්තිය” වැනි චිත්‍රපටවල රඟපෑවාය. ඡායාරූපශිල්පී තිස්ස කොතලාවලයන් සමගින් විවාහ වීමෙන් අනතුරුව “ලියෝනි වීරසිංහ” වූ ඇය “ලියෝනි කොතලාවල” නමින් ප්‍රකට වුවාය.
“සෝමාගේ සිහිනය”, “තාරාදේවී”, “චරිත තුනක්”, ‘කුමාරිහාමි”, “චාරුලතා”, “අරවින්ද සහ ඉන්දු”, “හිරුට මුවාවෙන්” යනාදී ටෙලි නාට්‍යවල රඟමින් ජනප්‍රිය වූ ඇය මෑතකදී රංගනය කළ “එකමත් එක රටෙක”, “මචං”, “බොරදියපොකුණ”, “බන්ධනය” වැනි චිත්‍රපට අතර සංජීව පුෂ්පකුමාරගේ “දැවෙන විහඟුන්” හි කුසුම්ගේ නැන්දණිය ලෙසින් කළ චරිතය ඇගේ සිනමා භාවිතාවේ අතිශය ප්‍රශස්ත රංගනයකි.
ඇය සිග්නීස් උත්තමාචාර සම්මාන උළෙලේ ඒ වෙනුවෙන් හොඳම සහය නිළිය සඳහා ද නිර්දේශ වූවාය.
පුංචි තිරයේද ඇය මෑතකදී විකාශය වූ “අමා” ටෙලිනාට්‍යයේ නැනෝ අම්මාගේ චරිතයෙන් ජනාදරයට පත් අතර මේ දිනවක විකාශය වන “සංගීතේ” ටෙලිනාට්‍යයේ ඇය රංගනය කරන බලපත්‍රධාරී බිසෝ මැණිකේගේ චරිතය අතිශය ජනප්‍රියය.
