ඉදිරි පෙළ සේවකයන් ඇතුලු විශාල පිරිසකට ප්රතිලාභ හිමිවන පරිදි රජයේ අනුග්රහයෙන් නව නිවාස සංකීර්ණ වැඩපිළිවෙලක් ආරම්භ කිරීමට නිවු සවුත් වේල්ස් ප්රාන්ත රජය සැලසුම් කර තිබෙනවා.
ඉදිරි පෙළ සේවකයන් – ගුරුවරුන් – පොලිසිය – හෙදියන් සහ වයස අවුරුදු 50 ට වැඩි අවිවාහකයන්ට එමගින් නිවාස ඒකකයක හිමිකාරීත්වය දැරිය හැකියි.
වටිනාකමින් සියයට 40 ක මුදලක් නිවු සවුත් වේල්ස් ප්රාන්ත රජය විසින් දරනු ලබන අතර වැය කිරීමට යෝජිත සමස්ත මුදල ඩොලර් මිලියන 780.4 ක්.
පළමු අධියරේදී 3000 ක පිරිසක් මීට සුදුසුකම් ලබන අතර ඔවුන් තනි පුද්ගලයෙකු ලෙස වසරකට ඩොලර් 90,000 ක ආදායමක් හෝ දෙදෙනෙකු ලෙස නම් ඩොලර් 120,000 ක ආදායමක් ලැබිය යුතු වනවා.
වසර 02 ක් පුරා නියමු ව්යාපෘතියක් ලෙස ක්රියාත්මක කිරීමෙන් පසු මෙම වැඩපිළිවෙල ස්ථිරවම ක්රියාවට නැංවිමයි නිවු සවුත් වේල්ස් ප්රාන්ත රජයේ උත්සාහය වන්නේ.
2023 වසරේ ජනවාරි සිට මෙම ව්යාපෘතිය ආරම්භ කරන බව නිවු සවුත් වේල්ස් අගමැති ඩොමිනික් පෙරෝටේ සඳහන් කලා.