හිටපු අගමැති ස්කොට් මොරිසන් සැළකෙන්නේ ශ්‍රී ලාංකික ආහාර පාන කෙරෙහි ඉහළ කැමැත්තක් දක්වන්නෙකු ලෙසයි.
ඔහු විසින් මීට පෙර අවස්ථා ගණනාවකදී විවිධ ලාංකික ආහාර වර්ග සකස් කර සමාජ මාධ්‍යයේ පළකර තිබුණා.
පසුගිය මහ මැතිවරණයේදීත් එවක අගමැතිවරයාව සිටියදී ස්කොට් මොරිසන් විසින් සකස් කරන ලද ලාංකික කුකුල් මස් ව්‍යාංජනයක් අතිශය ජනප්‍රියත්වයට පත්වුණා.
මේ අතර ඊයේ දිනයේදීත් හිටපු අගමැති මොරිසන් විසින් ලාංකික ආහාරවේලක් සකස් කර තිබුණා.
කුකුල් මස් ව්‍යාංජනයක් මෙවරත් ඔහු විසින් සකස් කර ඇති අතර එය සකස් කරන ආකාරයද ස්කොට් මොරිසන් විසින් පළකර තිබීම විශේෂත්වයක්.
ශීත සෘතුවේ ශීතල මග හරවා ගැනීමට මෙම ආහාර වේල මනා පිටිවහලක් බවයි හිටපු අගමැතිවරයා පවසා තිබුණේ.
ලාංකික සූපවේදීන් ඇතුලු විශාල පිරිසක් මීට ප්‍රතිචාර දක්වා තිබීමද විශේෂත්වයක්.
