අත්අඩංගුවට ගැනීමකදී ගම්මිරිස් ප්රහාරයකට ලක්වූ 35 හැවිරිදි මෙල්බන්වාසියෙකු පොලිස් භාරයේ සිටියදී මියගොස් තිබෙනවා.
පහරදීම් සහ තර්ජන රැසක් සම්බන්ධයෙන් චෝදනා ලැබ සිටින අයෙකු Mildura ආසන්නයේ සිටින බවට වික්ටෝරියා පොලිසියට ඊයේ තොරතුරක් ලැබී ඔහු අත්අඩංගුවට ගැනීමට පියවර ගෙන තිබුණා.
එහිදී තියුණු ආයුධයකින් සන්නද්ව සිටි මොහු පාලනය කරගැනීමට පොලිසියට දැඩි ප්රයත්නයක් දැරීමට සිදුව තිබූ අතර එහිදී ගම්මිරිස් ප්රහාරයක්ද එල්ල කර තිබුණා.
පොලිසියට රැගෙන එන අතරතුර මෙම තැනැත්තා සිහිසුන් වී ඇති අතර ටික වේලාවකට පසු මියගොස් තිබෙනවා.
මරණයට සැබෑ හේතුව සොයා වික්ටෝරියා පොලිසිය විසින් පුලුල් විමර්ශනයක් ආරම්භ කර තිබෙනවා.