පුද්ගලික IVF ප්‍රතිකාර සඳහා යොමුවන කාන්තාවන් වෙනුවෙන් ඩොලර් 2000 ක උපරිමයකට යටත් වන මුදල් උපකාරයක් දීමට නිවු සවුත් වේල්ස් ප්‍රාන්ත රජය තීරණය කර තිබෙනවා.
සිය ප්‍රතිකාර සඳහා වැයවන අධික මුදල පියවා ගැනීම සඳහා 12,000 කට මෙම මුදල් ආධාර දීමටයි ප්‍රාන්ත රජය තීරණය කර ඇත්තේ.
ඒ සඳහා ඩොලර් මිලියන 80 ක මුදලක් වෙන් කර ඇතැයි නිවු සවුත් වේල්ස් ප්‍රාන්ත රජය සඳහන් කලා.
නිවු සවුත් වේල්ස් හි සෑම දරු උපත් 20 කින් එකක් IVF ප්‍රතිකාර යටතේ සාර්ථක වූ දරු උපත් බවද සඳහන්.
ලබන ඔක්තෝබර් පළමුවනදා සිට IVF ප්‍රතිකාර සඳහා යොමුවන කාන්තාවන්ට මේ සඳහා අයදුම්කල හැකි අතර දීමනා ගෙවීම ආරම්භ වන්නේ ජනවාරි 01 දා සිටයි.
