ඔස්ට්‍රේලියාවේ 31 වන අග්‍රාමාත්‍යවරයා ලෙස ඇල්බනීස් දිවුරුම් දෙයි

ඔස්ට්‍රේලියාවේ 31 වැනි අග්‍රාමාත්‍යවරයා ලෙස Anthony Albanese අද (23/05) පෙරවරුවේ දිවුරුම් දුන්නේය.

කැන්බරා නුවර ඔස්ට්‍රේලියානු ආණ්ඩුකාරවරයාගේ නිවසේ පැවති උත්සවයකදී ඔස්ට්‍රේලියානු ආණ්ඩුකාර ජනරාල් David Hurley ඉදිරියේ Anthony Albanese ඔස්ට්‍රේලියාවේ 31 වැනි අග්‍රාමාත්‍යවරයා ලෙස දිවුරුම් දෙන ලදී.

ඔහුට අමතරව කම්කරු පක්ෂයේ මන්ත්‍රීවරු සිව් දෙනෙකුද නව රජයේ අමාත්‍යවරුන් ලෙස අද දිවුරුම් දුන්හ.

ඒ අනුව ඔස්ට්‍රේලියාවේ නව නියෝජ්‍ය අගමැති ලෙස Richard Marles ද නව භාණ්ඩාගාරික අමාත්‍යවරයා ලෙස Jim Chalmers ද මුල්‍ය අමාත්‍යවරිය ලෙස Katy Gallagher ද විදේශ කටයුතු අමාත්‍යවරිය ලෙස Penny Wong ද අද දිවුරුම් දුන්හ.

නව අගමැතිවරයා හෙට (අගහරුවාදා) ජපානය බලා පිටත්ව යනවා.

ඒ Quad සාමාජික රටවල් හෙවත් ජපානය – අමෙරිකාව සහ ඉන්දීය රාජ්‍ය නායකයන් හමුවීම සඳහායි.

යළිත් බදාදා දිනයේ ඔස්ටේ්‍රලියාවට පැමිණෙන ඇල්බනීස් අමාත්‍ය මණ්ඩලය පත් කිරීමේ සෙසු කටයුතු සම්පූර්ණ කිරීමට නියමිතයි.

ඉදිරි සති කිහිපයේදී සියලුම ප්‍රාන්ත අගමැතිවරුන් සමග වෙන වෙනම සාකච්ඡා කිරීමටත් නව අගමැතිවරයා තීරණය කර තිබෙනවා.

නවසීලන්තයේ කාය වර්ධන තරගාවලියකින් ශ්‍රී ලාංකික තරුණයෙකුට රන් පදක්කම් 3ක්

නවසීලන්තයේ පැවති කාය වර්ධන තරගාවලියකින් එරට සිටින ශ්‍රී ලාංකික තරුණයෙක් වන සුලාර ධනුක මාලිංග පදක්කම් රැසක් දිනාගෙන තිබෙනවා.

Read More »

ශ්‍රී ලාංකික ලේඛිකාවකගේ යුද්ධය ගැන කෘතියකට ජාත්‍යන්තර සම්මානයක්

ශ්‍රී ලාංකේය ලේඛිකාවක් වන V. V. ගනේෂානන්දන් විසින් රචිත Brotherless Night නවකතාව සඳහා 2024 වසරේ Carol Shields ත්‍යාගය දිනා ගැනීමට සමත්ව තිබෙනවා.

Read More »

පැපුවා නිව්ගිනි රාජ්‍යයේ නාය යෑමෙන් ජීවිත 300ක් අහිමි වෙයි?

පැපුවා නිව්ගිනියාවේ එන්ගා පළාතේ ගම්මාන කිහිපයක සිදු වූ නාය යාමෙන් පුද්ගලයන් 300කට වැඩි පිරිසක් සුන්බුන් අතර සිරවී ඇතැයි විශ්වාස කෙරෙන බව සහන කණ්ඩායම් පවසනවා.

Read More »