ඔස්ට්‍රේලියාවේ 31 වැනි අග්‍රාමාත්‍යවරයා ලෙස Anthony Albanese අද (23/05) පෙරවරුවේ දිවුරුම් දුන්නේය.
කැන්බරා නුවර ඔස්ට්‍රේලියානු ආණ්ඩුකාරවරයාගේ නිවසේ පැවති උත්සවයකදී ඔස්ට්‍රේලියානු ආණ්ඩුකාර ජනරාල් David Hurley ඉදිරියේ Anthony Albanese ඔස්ට්‍රේලියාවේ 31 වැනි අග්‍රාමාත්‍යවරයා ලෙස දිවුරුම් දෙන ලදී.
ඔහුට අමතරව කම්කරු පක්ෂයේ මන්ත්‍රීවරු සිව් දෙනෙකුද නව රජයේ අමාත්‍යවරුන් ලෙස අද දිවුරුම් දුන්හ.
ඒ අනුව ඔස්ට්‍රේලියාවේ නව නියෝජ්‍ය අගමැති ලෙස Richard Marles ද නව භාණ්ඩාගාරික අමාත්‍යවරයා ලෙස Jim Chalmers ද මුල්‍ය අමාත්‍යවරිය ලෙස Katy Gallagher ද විදේශ කටයුතු අමාත්‍යවරිය ලෙස Penny Wong ද අද දිවුරුම් දුන්හ.
නව අගමැතිවරයා හෙට (අගහරුවාදා) ජපානය බලා පිටත්ව යනවා.
ඒ Quad සාමාජික රටවල් හෙවත් ජපානය – අමෙරිකාව සහ ඉන්දීය රාජ්‍ය නායකයන් හමුවීම සඳහායි.
යළිත් බදාදා දිනයේ ඔස්ටේ්‍රලියාවට පැමිණෙන ඇල්බනීස් අමාත්‍ය මණ්ඩලය පත් කිරීමේ සෙසු කටයුතු සම්පූර්ණ කිරීමට නියමිතයි.
ඉදිරි සති කිහිපයේදී සියලුම ප්‍රාන්ත අගමැතිවරුන් සමග වෙන වෙනම සාකච්ඡා කිරීමටත් නව අගමැතිවරයා තීරණය කර තිබෙනවා.
