ආණ්ඩුවෙන් ඉවත් වූ පක්ෂ 10ක නායකයින්ට සහ ස්වාධීන පිරිස් වෙත අගමැති රනිල් වික්‍රමසිංහ විසින් ආරාධනාවක් කර තිබෙනවා.
ඒ, වත්මන් දේශපාලන තත්ත්වය සම්බන්ධයෙන් තමන් සමඟ සාකච්ඡා කිරීම සඳහා පැමිණෙන ලෙසයි.
ඊයේ දිනයේ දී ද අග්‍රාමාත්‍යවරයා විසින් විපක්ෂයට ආරාධනා කරනු ලැබුවා.
එහිදී විපක්ෂ නායක සජිත් ප්‍රේමදාස වෙත ද ලිපියක් යොමු කරමින් පැවසුවේ, පක්ෂ පාට භේද පසෙකලා අර්බුදකාරී තත්ත්වය තුළ සාකච්ඡා කර රට ගොඩගැනීමට අත්වැල් බැඳ ගන්නා ලෙසයි.
මේ අතර අද රාත්‍රී පැවැත්වීමට නියමිතවූ ශ්‍රී ලංකා නිදහස් පක්ෂ දේශපාලන මණ්ඩල රැස්විම අවලංගු කර තිබෙනවා.
