වික්ටෝරියා ප්‍රාන්තයේ පාසල් විෂය නිර්දේශයට ඉතාම නුදුරේදී ටික්ටොක් – ඉන්ස්ටග්‍රම් වැනි සමාජ මාධ්‍ය පිළිබඳ දැනුම ලබාදීමද ඇතුළත් කෙරෙනු ඇති බවට අනාවැකි පළවනවා.
සමාජ මාධ්‍ය පිළිබඳ නිසි දැනුමක් ලදහොත් සිසුන්ට ඒවායෙන් විය හැකි අහිතකර බලපෑම වළක්වා ගත හැකි වනු ඇතැයි නවතම වාර්තාවක් හෙළිකර තිබීම ඊට හේතුවයි.
ඩීකින් විශ්ව විද්‍යාලයේ අධ්‍යයන කණ්ඩායමක් විසින් සිදුකල මෙම අධ්‍යයනයේ නිර්දේශ මත ද්වීතියික අධ්‍යාපනය ඩිජිටල්කරණය පිණිස වෙන්කර ඇති මුදල ඩොලර් ලක්ෂ 05 ක්.
විවිධ සමාජ ජාල ඇප්ලිකේෂන පමණක් නොව උපහාසාත්මක නිර්මාණ (memes) පිළිබඳවද මෙහිදී උසස් අධ්‍යාපන සිසුන් දැනුවත් කෙරෙනු ඇති.
