ෆෙඩරල් මැතිවරණයට සමගාමීව ප්‍රධාන අපේක්ෂකයන් දෙදෙනා අතර ඊයෙ පැවති 03 වන හෙවත් අවසාන විවාදයෙන්ද විපක්ෂ නායක ඇන්තනී ඇල්බනීස් ජයගෙන තිබෙනවා.
චැනල් 07 නාලිකාව විසිනුයි මෙවර විවාදය සංවිධාන කර තිබුණේ.
සියයට 50 ක් ඇල්බනීස් වෙනුවෙන්ද – සියයට 34 ක් අගමැති ස්කොට් මොරිසන් වෙනුවෙන්ද කැමැත්ත පළකර තිබුණා.
මධ්‍යස්ථව සිටි ප්‍රතිශතය සියයට 16 ක්.
මෙතෙක් තීරණයක් ගෙන නොසිටි ඡන්ද දායකයන් අති බහුතරයක් මෙවර විවාදයේදී ඇල්බනීස් ට සහය පළකිරීමද විශේෂත්වයක්.
ජීවන වියදම – බදු ප්‍රතිපත්ති ඇතුලු කරුණු රැසක් කෙරෙහි නායකයන් දෙදෙනා අදහස් පළකරනු දක්නට ලැබුණා.
ඔස්ටේ‍රලියා ෆෙඩරල් මැතිවරණයට ඉතිරිව ඇත්තේ තවත් දින 09 ක් පමණයි.
